Kiraŭnik Uźbiekistana Isłam Karymaŭ pryznany samym chitrym prezidentam u Centralnaj Azii. Takoha mierkavańnia trymajucca bolšaść udzielnikaŭ apytańnia, praviedzienaha na sajcie CA-News.
U hałasavańni ŭdzielničali zvyš 6,5 tysiač čałaviek. Bolš za pałovu ź ich — 3,3 tysiačy — addali svaje hałasy za Karymava. Krychu mienš chitrym respandenty paličyli Nursułtana Nazarbajeva (jaho vynik: kala 1,8 tysiačy hałasoŭ). Na trecim miescy apynuŭsia prezident Kyrhyzstana Ałmaźbiek Atambajeŭ, nabraŭšy 828 hałasoŭ. Kala 10% vykazalisia za prezidenta Tadžykistana Emamali Rachmona. Kiraŭnik Turkmienistana Hurbanhuły Bierdymuchamiedaŭ [u jakoha zaraz haściuje Łukieašenka — NN] nabraŭ 488 hałasoŭ, zaniaŭšy piataje miesca. Samym prastadušnym lidaram rehijonu, na dumku apytanych, staŭ afhanski lidar Chamid Karzaj.
Karymaŭ zajmaje pasadu prezidenta Uźbiekistana sa śniežnia 1991 hoda.
U rejtynhu raźvićcia čałaviečaha patencyjału, jaki padličvaje AAN, respublika ŭ 2013 h. zaniała 114 miesca z 186. Hety pakazčyk raźličvajecca z ulikam ŭzroŭniu žyćcia, piśmiennaści, adukavanaści i daŭhalećcia žycharoŭ krainy. Niekalki miljonaŭ hramadzian Uźbiekistana znachodziacca na zarobkach za miažoj.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary