Kamitetam dziaržaŭnaj biaśpieki Biełarusi spyniena supraćpraŭnaja dziejnaść 22-hadovaha biełaruskaha hramadzianina, jaki znachodzicca ŭ miždziaržaŭnym vyšuku.
Nazyvajučysia supracoŭnikam śpiecpadraździaleńnia KDB i namieśnikam načalnika fondu aficerskaha žylla, zatrymany pad vydumanym imieniem prapanoŭvaŭ hramadzianam za peŭnuju płatu paspryjać va ŭstupleńni ŭ žyllova-budaŭničy kaapieratyŭ i nabyćci kvater u Minsku. Pra heta paviedamili ŭ pres-słužbie KDB.
Padčas rasśledavańnia taksama ŭstanoŭlena, što ŭ šerahu vypadkaŭ, nazyvajučysia ŭradžencam Biełastoka i ŭdzielnikam bajavych dziejańniaŭ na Blizkim Uschodzie, zatrymany prapanoŭvaŭ hramadzianam Biełarusi svaje pasłuhi ŭ nabyćci aŭtamabilaŭ.
Zaraz vyjaŭlena bolš za 20 epizodaŭ supraćpraŭnaj dziejnaści zhadanaj asoby, suma ŭronu pa jakich pieravyšaje 30 tys. dołaraŭ ZŠA.
Kamitetam dziaržaŭnaj biaśpieki ŭ dačynieńni da zhadanaha hramadzianina raspačatyja 6 kryminalnych spraŭ pa č. 1 i č. 2 art. 209 KK (machlarstva).
Zatrymany źmieščany ŭ SIZA KDB. Dla dalejšaha rasśledavańnia kryminalnaja sprava pieradadzienaja ŭ Śledčy kamitet Biełarusi.
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać5
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary