U Kijevie sotni tysiač pratestavali suprać Mytnaha sajuza z Rasijaj
* * *
19:15
Antymajdanaŭcy čakajuć adpraŭku dadomu
Udzielniki praŭładnaha mitynhu viartajucca damoŭ. Čytačka «Ukrainskaj praŭdy» dasłała fota i apisańnie ŭbačanaha.
Kala Muzieja VAV stała śviedkaj bojki antymajdanaŭcaŭ pamiž saboj. Razbaraniali ich tak: «Supakojsia, tut nie treba! Zabjom jaho na pieršym ža prypynku!»
18:30
Kałony demanstrantaŭ z Majdana rušyli pikietavać Ministerstva ŭnutranych spraŭ, Słužbu biaśpieki Ukrainy (anałah KDB) i Centrvybarkam. Adnak nijakaha šturmu nie čakałasia — naprykład, kala budynku SBU niekalki sotniaŭ pratestoŭcaŭ paskandziravali łozunhi i viarnulisia na Majdan.
18:20
Mitynh u padtrymku Janukoviča kala Viarchoŭnaj rady
Videa Paŭła Šaramieta.
18:15
Fiule: ES prypyniaje pracu z ukrainskimi ŭładami
ES prypyniaje pracu z ukrainskimi ŭładami pa pahadnieńni ab Asacyjacyi z Ukrainaj. Pra heta ŭ svaim tvitary paviedamiŭ jeŭrapiejski kamisar pa pytańniach pašyreńnia i jeŭrapiejskaj palityki susiedstva Štefan Fiule.
16:00
Na Jeŭramajdanie začytali rezalucyju ab zabaronie Janukoviču dałučać Ukrainu da MS
Nardep ad «Baćkaŭščyny», były ministr zamiežnych spravaŭ Barys Tarasiuk začytaŭ sa sceny Jeŭramajdanu prajekt rezalucyi ab zabaronie Viktaru Janukoviču dałučać Ukrainu da Mytnaha sajuza. Pra heta paviedamlaje karespandent Gazeta.ua.
15:50
14:20
Ukrainskaj apazicyi znoŭ udałosia sabrać na Majdanie Niezaležnaści sotni tysiač čałaviek. Naziralniki nazvajuć ličbu da 200 tysiač čałaviek, ale kolkaść pratestoŭcaŭ praciahvaje pavialičvacca. Na samu płošču ŭžo nie prajści, tamu jany spyniajucca na prylehłych vulicach. Hukaŭzmacnialnaja technika dazvalaje im čuć vystupoŭcaŭ i adtul.
Kolkaść stałych słuchačoŭ mitynha ŭ padtrymku prezidenta Ukrainy Viktara Janukoviča pakul što składaje niekalki tysiač čałaviek. Akcyja nazvanaja biesterminovaj, tamu ŭdzielniki nie kancentrujucca pierad scenaj.
* * *
Siońnia, 15 śniežnia, u Kijevie čakajucca adrazu dźvie masavyja akcyi.
Na Majdanie Niezaležnaści apazicyja źbiraje čarhovaje «narodnaje vieča». Jaho aficyjnaj metaj źjaŭlajecca pratest suprać mahčymaha padpisańnia pahadnieńnia ab ustupleńni Ukrainy ŭ Mytny sajuz.
Na papiarednija bujnyja mitynhi pa niadzielach prychodzili sotni tysiač pratestujučych, pa padlikach arhanizataraŭ, - až da miljona čałaviek.
Što praŭda, kiraŭnictva apazicyjnych partyj nie ŭ stanie kantralavać takuju ludskuju masu, što skančvajecca incydentami: to sutyčkami radykałaŭ sa śpiecnazam, to znosam pomnika Lenina.
Pa stanie na 10:00 pa biełaruskim časie na Majdanie Niezaležnaści znachodzicca da 5 tysiač čałaviek, adbyvajecca carkoŭnaja słužba.
Za paŭkiłamietra ad apazicyjnaj akcyi, na Jeŭrapiejskaj płoščy Kijeva, svoj Majdan maje razharnuć i «Partyja rehijonaŭ», jakaja padtrymlivaje dziejnaha prezidenta Viktara Janukoviča.
Arhanizatary zajavili mitynh z kolkaściu ŭdzielnikaŭ da 200 tysiač čałaviek, adnak pry ŭsim žadańni stolki achvotnych vydzielenaja im terytoryja źmiaścić nie zmoža.
Ad ranicy na Jeŭrapiejskuju płošču padjazžajuć novyja i novyja aŭtobusy z zaviezienymi mitynhoŭcami. Pakul jany nie vychodziać z transpartu.
Aproč taho, na piaci akruhach pa ŭsioj Ukrainie projduć davybary ŭ Viarchoŭnuju radu.
Paśla papiaredniaha hałasavańnia sud pryniaŭ rašeńnie nie zaličvać pieramohu nikomu. Ciapier vystavić svaje kandydatury mahli i novyja pretendenty.
Naprykład, na adzinaj kijeŭskaj akruzie, dzie adbuducca vybary, zajaviłasia ažno 70 kandydataŭ! Daŭžynia biuleteniu tut pieravyšaje mietr.
Ciapier čytajuć
Ad $475 da $3000 za numar. Jak vyhladaje pieršy luksavy hatel Biełarusi FOTY11
Kamientary