Iści ŭ Jeŭrazijski ekanamičny sajuz, nie skončyŭšy farmiravańnie Mytnaha sajuza, ryzykoŭna, zajaviŭ Alaksandr Łukašenka 24 śniežnia ŭ Maskvie na pasiadžeńni Najvyšejšaj jeŭrazijskaj ekanamičnaj rady.
«My Mytny sajuz pačali stvarać raniej, čym Adzinuju ekanamičnuju prastoru, adnak navat pa tavarach my nie zaviaršyli pracu, — cytuje Łukašenku RIA Naviny. — Niahledziačy na dasiahnutyja ŭ «trojcy» damoŭlenaści, zastajucca kanfiskacyi, uklučajučy ałkahol, tytuniovuju pradukcyju, lekavyja srodki, miedycynskija vyraby, haz, naftu, naftapradukty, aŭtamabili, rybu i hetak dalej. Upeŭnieny, što iści ŭ Jeŭrazijski ekanamičny sajuz, nie skončyŭšy farmiravańnie Mytnaha, vielmi ryzykoŭna i niapravilna».
Pavodle słovaŭ biełaruskaha kiraŭnika, svaboda pieramiaščeńnia tavaraŭ pavinna stać svajho rodu prykładam dla zabieśpiačeńnia ŭsich inšych svabodaŭ.
U advarotnym vypadku, adznačyŭ jon, navat nie ekanamistam «jasna, što ŭsia ideja pa stvareńni sajuza i jaho ekanamičny sens mohuć być pastaŭleny pad sumnieńnie».
«Tamu prapanuju zafiksavać, što my pryznajom nacyjanalny charaktar i režym u dačynieńni da handlu tavarami, h.zn. razhladajem tavary adzin adnaho jak svaje ŭłasnyja, vyvodzim ich z-pad usialakich vyklučeńniaŭ, niachaj heta buduć ekspartnyja ci inšyja pošliny, zbory, kolkasnyja abmiežavańni», — dadaŭ Łukašenka.
Ciapier čytajuć
Połk Kalinoŭskaha paviedamiŭ pra hibiel troch bajcoŭ7
Kamientary