Čynoŭnica prapanuje pa piatnicach prychodzić na pracu ŭ biełaruskim adzieńni. I sama padała prykład
Ministerstva antymanapolnaha rehulavańnia i handlu ŭ śniežni zapuściła inicyjatyvu pad nazvaj «Kožnaja piatnica — rodnaje, svajo», kab papularyzavać usio biełaruskaje.
Kaciaryna Cichančuk, načalnica adździeła Ministerstva antymanapolnaha rehulavańnia i handlu, raskazvaje:
«My chacieli, kab piatničny składany pracoŭny dzień i jaho zakančeńnie byli cudoŭnymi i dušeŭnymi dziakujučy svajmu, rodnamu. Niachaj u kožnaha budzie vielmi dobraj tradycyjaj pravodzić čas u piatnicu ź siamjoj z našymi ajčynnymi smačnymi biełaruskimi praduktami.
Na pracu možna pryjści, naprykład, u biełaruskim adzieńni, i nie tolki ŭ aficyjnym styli, a možna taksama padyści da hetaha pytańnia kreatyŭna, niestandartna. Supravadžać usio heta možna, słuchajučy biełaruskija pieśni, muzyku, vieršy. Słovam, my chočam pryciahnuć jašče bolšuju ŭvahu da ŭsiaho biełaruskaha.
Asablivaść hetaha prajekta ŭ tym, što jon nie maje abmiežavańniaŭ, ramak, zabaronaŭ».
Ludziam prapanujuć raskazvać viedamstvu, jak jany paŭdzielničali ŭ hetaj inicyjatyvie — pa formie zvarotnaj suviazi, jakaja raźmieščana na aficyjnym sajcie Ministerstva, abo publikavać fota i videa ŭ sacsietkach z chešteham #DzieńRodnahaSvajho.
Sama maładaja čynoŭnica davała kamientar u piatnicu — pa-biełarusku. I adznačyła, što pryjšła na pracu ŭ kaściumie adnaho z bresckich vytvorcaŭ.
«Vielmi lublu tavary našych ajčynnych vytvorcaŭ lohkaj pramysłovaści».
Cichančuk adznačyła, što ŭ sacyjalnych sietkach bolš čym za 2000 zhadak pa tematycy hetaha prajekta ministerstva.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary
S barskoho pleča, 1/7 ot suvierienitieta