Milicyja Minskaj vobłaści akazvaje dapamohu vajennym u vyšuku źnikłaha nočču 3 studzienia ŭ Marjinaj Horcy vajennasłužačaha 5-j asobnaj bryhady śpiecyjalnaha pryznačeńnia Alaksandra Suščyka, uradženca Mazyra, 1992 hoda naradžeńnia.
Jak paviedamili va UUS Minskaha abłvykankama, raboty pravodziacca, niahledziačy na adsutnaść zajaŭ ab źniknieńni čałavieka. Suščyk pastaŭleny milicyjaj na nieabchodny ŭ takich vypadkach ulik.
Vyšuki źnikłaha praciahvajuca.
Pieršaja infarmacyja ab zdareńni źjaviłasia nočču 6 studzienia sa spasyłkaj na staronku «VKontaktie» pošukava-ratavalnaha atrada «Anioł», jaki dapamahaje adšukvać źnikłych ludziej. Paviedamlałasia, što vajennasłužačy pakinuŭ čaść sa zbrojaj.
Paźniej Ministerstva abarony zajaviła: «Faktaŭ samavolnaha pakidańnia vajskovaj čaści sa strałkovaj zbrojaj va Uzbrojenych siłach niama. Infarmacyja, što raspaŭsiudžvajecca šeraham internet-resursaŭ, ab tym, što vajennasłužačy, jaki samavolna pakinuŭ vajskovuju čaść, maje pry sabie aŭtamat Kałašnikava, nie adpaviadaje rečaisnaści. Usia strałkovaja zbroja vajskovych čaściej była i zastajecca na miescach».
Kamientary