Na vulicy Hrušeŭskaha ŭ Kijevie pačalisia niaznačnyja sutyčki. Jak pieradaje karespandent UNIAN, ciažka zrazumieć — chto pačaŭ pieršym.
23:50
Z boku milicyi čuvać adzinkavyja streły. Napeŭna, jany ŭžyvajuć humovyja kuli. Paranieny adzin aktyvist. U adkaz bierkutaŭcaŭ zakidvajuć pietardami.
Aktyvisty kažuć, što bierkutaŭcy adkryli ahoń pieršymi, značyć pieramirje skončana.
***
Padarvalisia niekalki śviatłošumavych hranat. U svaju čarhu, mitynhoŭcy kinuli ŭ bok milicyi niekalki butelek z zapalnaj sumieśsiu.
Milicyja taksama ŭklučyła dva mahutnyja pražektary, jakija na hety momant aśviatlajuć usiu terytoryju pierad stadyjonam «Dynama».
Mitynhoŭcy na Hrušeŭskaha, dzie sutyčki tryvajuć z 19 studzienia, znoŭ raźviali amal 10 vohniščaŭ z aŭtamabilnych šyn na piarednim krai barykadaŭ.
Mitynhoŭcy aktyŭna danosiać da ačahoŭ novyja šyny, pry hetym sami nie robiać niejkich aktyŭnych dziejańniaŭ.
Ź inšaha boku stajać kardony milicyi i śpiecnaza. Ich dosyć šmat. Čas ad času jany aśviatlajuć mitynhoŭcaŭ mahutnymi pražektarami, adnak taksama pakul zachoŭvajuć spakoj.
Usiaho ciapier na vulicy Hrušeŭskaha znachodzicca amal 5000 čałaviek.
Ludzi ŭładkoŭvajuć punkty abahravańnia na ŭsioj vulicy.
Niekatoryja praciahvajuć rychtavacca da mahčymaj abarony barykadaŭ, umacoŭvajučy ich dy źbirajučy bruk.
Davoli značnaja častka mitynhoŭcaŭ staić źvierchu na apošniaj barykadzie i naziraje adtul za pravaachoŭnikami.
-
Kirujučaja partyja Hiermanii choča vysyłać siryjcaŭ, jakija biehli ad hramadzianskaj vajny, nazad na radzimu — navat rehularnymi rejsami
-
Jeŭrakamisija pačała rasśledavańnie z-za tyktokaŭ, stvoranych z dapamohaj štučnaha intelektu, jakija zaklikajuć da vychadu Polščy ź ES
-
Dźmitryj Miadźviedzieŭ: Finlandyi daviadziecca zapłacić za svaju miarzotnuju rusafobiju
Ciapier čytajuć
«Paša, ja tabie nie vieru». Sieviaryniec raskazaŭ, jak vypadkovaja dziaŭčyna matyvavała jaho nazaŭsiody pierajści na biełaruskuju movu4
Kamientary