25 studzienia z punkta abmienu valut, raźmieščanaha pa vulicy Panamarenki, 34 (Frunzienski rajon) byŭ ździejśnieny kradziež hrošaj.
Kasir pakinuła pracoŭnaje miesca na čas abiedu, a kali viarnułasia, pabačyła adčynienyja dźviery «abmieńnika» i źniknieńnie hrošaj. Usiaho było vykradziena kala 10 tysiač dalaraŭ ZŠA, bolš za tysiaču jeŭra, zvyš 13 tysiač rasijskich rubloŭ i 50 miljonaŭ biełaruskich rubloŭ.
Žančyna nieadkładna vyklikała milicyju.
Pa videa udałosia adnavić padziei. Tak, kasir vyjšła z abmiennaha punkta valuty, zamknuŭšy jaho na kluč. Praź niekalki chvilin la ŭvachodnych dźviarej źjaviŭsia małady čałaviek, jaki adkryŭ zamok, prakraŭsia ŭnutr.
Prykmiety złamyśnika: rost kala 170 sm, siaredniaha ciełaskładu, byŭ apranuty ŭ kurtku čornaha koleru z kapiušonam, čorna-šeruju viazanuju šapku, ciomnyja džynsy.
Kali Vy paznali maładoha čałavieka na fota i videa albo majecie źviestki pra jaho miescaznachodžańnie, prośba źviartacca ŭ Frunzienskaje RUUS Minska asabista abo pa telefonach: (044) 751-09-98, (029) 776-45-91, (029) 116-20-93, 213-08-29, 252-02-02, «102».
Kanfidencyjalnaść harantujecca.
Darečy, bankam abjaŭlena ŭznaharoda ŭ pamiery 10% ad vykradzienaj sumy za infarmacyju, jakaja dapamoža ŭ vyśviatleńni miescaznachodžańnia złamyśnika i hrašovych srodkaŭ.
Kamientary