Fanat BATE: U milicyi pakazali fota i skazali: «Heta ty»
Adzin z fanataŭ BATE ananimna raspavioŭ Radyjo Svaboda, jak milicyja ŭ Barysavie pieraśleduje zaŭziataraŭ za akcyju ŭ padtrymku Ukrainy.
«U minułyja vychodnyja valejbolny BATE hulaŭ u Barysavie dva matčy ŭ zali. Tam jość kamiery nazirańnia, na jakich vidać, jak hrupa ludziej prosta paśla matča vychodzić z budynku, spuskajecca z bałkona.
Paśla dvuch čałaviek z apaznanych pa kamiery zaprasili na razmovu, pakazali zapis na videa. Jany siabie paznali: «Tak, ja voś vychodžu z zały na vulicu i idu paśla dachaty».
Ale na fota z płakatami ŭ padtrymku Ukrainy jany admaŭlalisia siabie paznavać. Tym nie mienš u sudzie jość pryznaŭčyja pakazańni abodvuch.
Ja dumaju, ich prosta pastavili pierad faktam: pahadžaješsia — 5 sutak, nie pahadžaješsia — 15.
Pieršy chłopiec na sto pracentaŭ pryznaŭsia.
A z druhim chłopcam — prosta žach. Jamu pazvanili zranku i zaprasili na razmovu. Jon skazaŭ, što biez pozvy nikudy nie pojdzie, tady za im pryjechali dachaty. Paśla taho jak jon byŭ try hadziny ŭ RUUS, pryjechali tudy jahony baćka z advakatam. Jon za hety čas jašče pazvaniŭ svajoj dziaŭčynie, jakaja była ź im na valejbole. Jana taksama paćvierdziła, što na videa jon i što jany razam vychodziać i iduć dachaty. Ale na fota jana jaho nie apaznała. Raśpisałasia ŭ pakazańniach i jaje adpuścili.
A chłopca ŭ toj ža dzień asudzili.
Baćku z advakatam skazali, što papiery ŭ sud pavieźli kanvojnyja. Jany dźvie hadziny nie viedali, što z chłopcam, bo ŭ sudzie kažuć, što nie pryvozili, a ŭ milicyi — što advieźli. Urešcie baćka z advakatam pad kancylaryjaj prasiedzieli.
A chłopca pa-cichamu pryvieźli, zaviali praź niejki inšy ŭvachod i chutka začytali prysud.
Jany ŭžo pa fakcie daviedalisia, što jon asudžany.
Dziaŭčynu pamiatajecie? Dyk voś u pratakole napisana, što jana jaho paznała. Ale podpisu jaje niama.
My nie viedajem, kolki ludziej jašče nie apaznana. Adnamu-dvum zvanili ź milicyi, ale jany skazali, što biez pozvy nie pojduć.
Pryjazdžali dachaty, ale adnaho chłopca doma nie było. Darečy, jaho zusim na videa nie moža być, bo jaho na matčy nie było ŭ toj dzień».
Adnaho z asudžanych pavinny vyzvalić siońnia ŭviečary, druhoha — u sieradu.
27 studzienia ŭ siecivie źjaviŭsia zdymak, na jakim 23 fanaty dziesiacirazovaha čempijona krainy pa futbole barysaŭskaha BATE sfatahrafavalisia ź bieł-čyrvona-biełym ściaham i płakatami «Trymajsia, Ukraina, my z vami!» i «Hierojam słava!»
Paźniej hramadzki aktyvist Siaržuk Sałaš paviedamiŭ, što na ŭsich 23-ch barysaŭskich udzielnikaŭ akcyi salidarnaści z ukrainskim Jeŭramajdanam padrychtavanyja sudovyja pastanovy na roznyja administracyjnyja terminy.
Pres-słužba UUS Minskaha abłvykankama paćvierdziła Svabodzie, što dva fanaty Barysaŭskaha BATE pakaranyja za akcyju salidarnaści z ukrainskim narodam, inšych — šukajuć.
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary