11–16 lutaha adbudziecca Druhi forum płastyčnych i tanc-teatraŭ «PłaStforma Minsk-2014».
Va ŭjaŭleńni hramadstva i ŭłady taniec u Biełarusi maje tolki dźvie lehalnyja prajavy:
kłasičny balet (pastanoŭki iduć na scenie Nacyjanalnaha teatra opiery i baleta) i narodnyja tancy (vystupleńni ansambla «Charoški»).
Usio, što nie padychodzić pad hetyja katehoryi, ličycca niavartym uvahi publiki.
Kali ŭ Minsku źjaviłasia ideja pravieści forum sučasnaj chareahrafii, arhanizatary paprasili dapamohi ŭ Ministerstva kultury. Ale tam adkazali, što ŭ Viciebsku ŭžo isnuje padobny fiestyval. A druhi – niepatrebny. Tamu pieršy Adkryty forum płastyčnych teatraŭ «PłaStforma Minsk» ładziŭsia ŭ 2013 hodzie vyklučna ź niezaležnaj inicyjatyvy.
Druhuju «PłaStformu» padtrymaŭ Centr vizualnych i vykanaŭčych mastactvaŭ «Art Karparejšn», jaki zajmajecca praviadzieńniem kinafiestyvalu «Listapad» i teatralnaha forumu «TIEART». Dziakujučy Instytutu polskamu, zamiežža budzie pradstaŭlena teatram «Teatr Formy» z Urocłava. Ale
asnovu prahramy składuć najlepšyja pastanoŭki biełarusaŭ, u tym liku «InŽesta», samaha słavutaha ajčynnaha kalektyvu. Pryčym bolšaść ź ich – premjery. Darečy, pradstaŭleńnie «Miortvyja dy žyvyja fihurki» pakazvajecca pa-biełarusku.
U čym kaštoŭnaść takoha forumu? Jon znajomić hledačoŭ z sučasnaj chareahrafijaj i dałučaje da sučasnaha mastactva.
Adkryvaje pierad biełarusami Jeŭropu.
Niezdarma śpiektakli, uklučanyja ŭ afišu pieršaj «PłaStformy», paźniej byli pakazany ŭ polskim Lublinie.
Pakolki palityka ŭ śfiery kultury tradycyjnaja i kansiervatyŭnaja, forum farmiruje hramadskaje ŭjaŭleńnie.
Paśla «PłaStformy» sučasny taniec nielha budzie ihnaravać.
Narešcie,
«PłaStforma» moža stać płatformaj dla abjadnańnia niezaležnych teatralnych dziejačoŭ, jakija znachodziacca ŭ apazicyi da dziaržaŭnych teatraŭ.
11 – 14 lutaha śpiektakli buduć pakazvacca ŭ DK Čyhunačnikaŭ (vuł. Čkałava, 7), 15 – 16 lutaha -– u Maładziožnym teatry estrady (vuł. Maskoŭskaja, 18a). Pačatak usich śpiektaklaŭ a 19-j. Kvitki možna nabyć u kasach DK i teatra estrady, a taksama na sajcie www.kvitki.by.
-
Pryckieraŭskaja premija 2026 hoda dastałasia čylijcu, jaki stvaraje miražy. Jaho estetyka krochkaści pieramahła manumientalny pafas
-
Minskaja mastačka kaža, što 10 hadoŭ tamu ŭ jaje zabrała karciny kuratarka vystavy — i dahetul nie viarnuła. A sama emihravała
-
Ultymatum Pucinu z łaźni i abmierkavańnie burhieraŭ. Novyja parodyi na Łukašenku rvuć instahram
Ciapier čytajuć
Łukašenka pra vyzvaleńnie palitviaźniaŭ: Chočuć zastacca ŭ Biełarusi — kali łaska6
Kamientary