Na terytoryi Bresckaj vobłaści z pačatku sakavika pačali aktyŭna źjaŭlacca klaščy. Pra heta paviedamili ŭ abłasnym centry hihijeny, epidemijałohii i hramadskaha zdaroŭja, piša BiełTA.
Pa słovach entamołaha Volhi Popčavaj, nasiakomyja aktyvizavalisia paśla taho, jak rastaŭ śnieh i paciapleła. Ciapier u pryrodzie nazirajecca davoli šmat klaščoŭ. Pakul što masavych ukusaŭ ludziej nie adznačana, ale zafiksavanyja asobnyja vypadki zvarotu pa miedycynskuju dapamohu. Pieršy taki vypadak u hetym hodzie byŭ 14 lutaha ŭ žychara Bresta. Miarkujecca, što klašča ŭ dom moh prynieści kot na svajoj poŭści.
U Bresckaj vobłaści klaščy sustrakajucca praktyčna paŭsiul. Jany mohuć pieranosić łajm-barelijoz i kleščavy encefalit. Hetyja parazity nie lubiać jarkaje sonca, tamu, kab źmienšyć ich kolkaść, śpiecyjalisty rajać prybirać śmiećcie, rehularna kasić travu i zabiaśpiečvać dobraje aśviatleńnie terytoryj. Kab paźbiehnuć ukusaŭ, rekamiendujecca karystacca repielentami, nasić zakrytuju vopratku i časta ahladać siabie i adzin adnaho paśla znachodžańnia na pryrodzie.
Kab źmienšyć kolkaść klaščoŭ i papiaredzić raspaŭsiudžańnie infiekcyj, u vobłaści pravodziać śpiecyjalnuju apracoŭku terytoryj. Asabliva aktyŭnyja pryrodnyja asiarodki klaščavoha encefalitu znachodziacca ŭ Biełaviežskaj puščy (Kamianiecki i Pružanski rajony), u lasach Bronnaj hary ŭ Biarozaŭskim rajonie, u pamiežnych z Ukrainaj rajonach Małaryckaha rajona i ŭ Kosaŭskaj zonie Ivacevickaha rajona.
Śpiecyjalisty taksama nahadvajuć, što zarazicca klaščavym encefalitam možna navat praz užyvańnie syroha kazinaha małaka, tamu jaho treba abaviazkova kipiacić.
Kali čałavieka ŭkusiŭ klašč, jaho nieabchodna jak maha chutčej vydalić samastojna abo źviarnucca ŭ miedycynskuju ŭstanovu. Paśla hetaha varta prakansultavacca z uračom, jaki moža pryznačyć prafiłaktyčnaje lačeńnie i nazirańnie. Najbolšy efiekt ad lekaŭ dasiahajecca, kali ich pačynajuć prymać u pieršyja 72 hadziny paśla ŭkusu.
Ci šmat sioleta čakajecca klaščoŭ, kamaroŭ i mošak?
Klaščy — ich ulubionaja ježa. Navukoŭcy paćvierdzili efiektyŭnaść hetych ptušak u zmahańni ź niebiaśpiečnymi nasiakomymi
Sioleta biełarusaŭ užo dva razy ŭkusili klaščy
Miedyki ŭpieršyniu zafiksavali śmierć čałavieka ad «alerhii na miasa», vyklikanaj klaščom
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary