Lidar Aŭtamajdanu padazraje ŭ svaim vykradańni rasijskuju śpiechrupu
Aktyvist Aŭtamajdanu Dźmitryj Bułataŭ ličyć, što jaho vykrali pradstaŭniki rasijskaha śpiecnaza. Pra heta jon skazaŭ na pres-kanfierencyi ŭ čaćvier, raspaviadajučy padrabiaznaści svajho vykradańnia.
«Hetyja ludzi razmaŭlali tolki pa-rusku, z rasijskim akcentam, jany kazali pra nas u treciaj asobie. U mianie była dumka, što heta byŭ rasijski śpiecnaz. Pa tym jak mianie bili i katavali… dziejničali prafiesijanały, jakija mahli rabić takija rečy», — skazaŭ jon.
«Chaču padkreślić, što heta majo asabistaje mierkavańnie», — dadaŭ jon.
Taksama Bułataŭ miarkuje, što da jaho vykradańnia moža być datyčny i Viktar Miedviadčuk [były kiraŭnik AP za časami Kučmy, jakomu zakidali datyčnaść da spravy Hanhadze].
«I mnie zdajecca, što da hetaha datyčny Miedviadčuk, bo bolš za ŭsio pytańniaŭ hučała ab pajezdkach u jaho. Chaču padkreślić, što heta majo asabistaje mierkavańnie», - skazaŭ Bułataŭ.
Bułataŭ paviedamiŭ taksama ab praviadzieńni sudova-miedycynskaj ekśpiertyzy ŭ Litvie, vyniki jakoj buduć viadomyja ŭ chutkim časie.
Jon taksama pakazaŭ svaje ruki, jakija byli prabityja padčas katavańniaŭ.
Jon znoŭ padkreśliŭ, što dziejničali prafiesijanały, tamu suchažylli zastalisia cełymi. «Ciapier mnie ciažka razhinać ukazalnyja palcy, ale matoryka pracuje», — skazaŭ jon.
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać4
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary