Rasiejskija pamiežniki 6 hadzin nadhladali i apytvali biełaruskaha žurnalista
Rasiejskija pamiežniki 6 hadzin dahladali i apytvali biełaruskaha žurnalista, karespandenta haziety «Kamsamolskaja praŭda ŭ Biełarusi» Paŭła Mickieviča.
Pavieł Mickievič i jašče adzin žychar Homiela, kiroŭca Kastuś Žukoŭski, byli zatrymanyja 3 sakavika na punkcie propusku «Novyja Jurkavičy» rasiejskimi pamiežnikami. Pa zadańni redakcyi Mickievič rychtavaŭ repartaž pra žyćcio biełaruskaj, ukrainskaj i rasijskaj viosak, raźmieščanych pa susiedstvie, ale ŭ roznych dziaržavach. U žurnalista i kiroŭcy byli ŭsie nieabchodnyja dakumienty.
Rasiejskija pamiežniki pratrymali hramadzian Biełarusi na miažy 6 hadzin, skłali administracyjny pratakoł i aštrafavali na 100 rasijskich rubloŭ nibyta za parušeńnie praviłaŭ znachodžańnia ŭ pamiežnaj zonie.
Pamiežnikaŭ cikaviła, ź jakoj metaj naviedvaŭ žurnalist Ukrainu, z kim tam mieŭ znosiny. Supracoŭniki pamiežnaj słužby skapijavali ŭsie fatahrafii i dyktafonnyja zapisy.
«Nas apytvali niekalki hrup pamiežnikaŭ. Ich cikaviła ŭsia maja bijahrafija: chto maje baćki, ci jość siamja, dzieci, siabry. Jany pierapisali ŭsie kantakty z mabilnych telefonaŭ, asabliva ich zacikaviŭ numar mabilnaha majho siabra z Kijeva. Pryjechali niejkija ludzi ŭ cyvilnym, adzin ź ich pradstaviŭsia «prosta Dźmitryjem». Jon vypytvaŭ: što nam raskazvali žychary ŭkrainskaj vioski, što my tam bačyli, čuli. Hetaha čałavieka cikaviła čamuści naša staŭleńnie da padziejaŭ va Ŭkrainie. Potym Źmicier u cyvilnym pravioŭ dla nas palitinfarmacyju, tłumačačy nieabchodnaść «vyratavańnia» ŭkraincaŭ ad ich ža samich», — raspavioŭ Pavał Mickievič.
Jon dadaŭ, što pry pierasiačeńni biełaruska-ŭkrainskaj miažy, a taksama pry vyjeździe z Ukrainy na terytoryju Rasiei nijakich prablem nie ŭźnikała.
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary