The Wall Street Journal piša, što Vašynhton moža skłaści kankurencyju Maskvie ŭ prodažy nafty i hazu.
U ZŠA jość dziejsny instrumient, jaki moža realna paŭpłyvać na palityku Kramla ŭ Jeŭropie — ich haz i nafta. Pra heta piša Džon Basi na staronkach The Wall Street Journal.
Jon adznačaje, što Vašynhton niadaŭna ahučyŭ svaje namiery stać hulcom na suśvietnym enierhietyčnym rynku i pierš za ŭsio ŭ Jeŭropie.
«My rady paviedamić, što ZŠA paskarajuć svaje płany pa eksparcie pryrodnaha hazu i chutka pierahledziać svaju faktyčnuju zabaronu na ekspart nafty. Novyja pastaŭki hazu i nafty ŭ Amierycy nastolki vialikija, što my imkniemsia stać bujnym pastaŭščykom na suśvietnych rynkach. I pieršyja klijenty, jakich my źbirajemsia absłužyć, — heta našy siabry ŭ Jeŭropie», — cytuje ahladalnik aficyjnuju zajavu Vašynhtona.
Jon dadaje, što hetyja ž «siabry ŭ Jeŭropie» ciapier źjaŭlajucca enierhietyčnymi zakładnikami Rasii. Ciapier Zachad pahražaje Maskvie sankcyjami, kali jana nie vyviedzie svaich vajskoŭcaŭ z Ukrainy.
«Ale jakuju žorstkaść zmoža prajavić Jeŭropa, kali Rasija vystupić z pahrozaj spynić pastaŭki enierhanośbitaŭ?» — havorycca ŭ artykule.
Na dumku ahladalnika, na pabudovu infrastruktury, jakaja dazvolić pradavać amierykanski haz u Jeŭropie, spatrebicca čas.
«Ale samo abiacańnie ŭzmacnić cisk na kvazi-manapoliju Pucina moža prymusić jaho lepš stavicca da svaich klijentaŭ. Moža heta i nie prymusić jaho syści z Krymu. Ale heta daść Jeŭropie bolš ryčahoŭ, kab nastojvać na svaim», — havorycca ŭ artykule The Wall Street Journal.
Ciapier čytajuć
Łukašenka: Abmiarkoŭvajem z ZŠA vyzvaleńnie palitviaźniaŭ19
Kamientary