Usiaho patrochu44

Ivulin zrabiŭ tatu ŭ pamiać pra Miełkaziorava — voś jaki sens staić za imi

Žurnalist Alaksandr Ivulin apublikavaŭ foty svaich novych tatuirovak. Jon raskazaŭ «Našaj Nivie», što za imi chavajecca kranalnaja historyja.

Fota: a_ivulin / Instagram

Abiedzie tatuiroŭki Alaksandra źviazanyja z žurnalistam Mikitam Miełkazioravym — siabram Ivulina, jaki raptoŭna pamior u śniežni 2025-ha. Hetyja tatu Ivulin raźmiaściŭ na svajoj pravaj nazie, dzie da hetaha ŭ jaho była tolki adna tatuiroŭka — chłopčyk ź ličbaj «25» na cišotcy, jaki biažyć u bok, dzie namalavany biełaruski arnamient.

Pieršaje z novych tatu, słovy «Zahlanie sonca», Ivulin nabiŭ 13 lutaha. Heta nazva jutub-kanała pra historyju Biełarusi, jaki raniej vioŭ Miełkazioraŭ — ciapier spravu pryniaŭ Ivulin:

«Mnie vielmi chaciełasia nabić niešta aptymistyčnaje. Tady ja ŭžo viedaŭ, što «Zahlanie sonca» budzie isnavać i dalej, i što ja dałučusia da kamandy, jakaja jaho robić. Tut i pra Mikitu, i pra nadzieju, i pra šlach, i pra toje, što sonca pavinna zahlanuć.

Bić toje tatu było vielmi baluča. Kali ja biŭ samaje pieršaje tatu, jano atrymałasia davoli vialikaje, i tamu «Zahlanie sonca» daviałosia bić pad kalenam, a tam skura vielmi dalikatnaja. Ale mnie chaciełasia, kab byŭ hety vialiki napamin».

Fota: a_ivulin / Instagram

Hetaje tatu Ivulin raźmiaściŭ nad tatuiroŭkaj chłopčyka ź ličbaj 25. A 5 sakavika jon dadaŭ jašče adno tatu — nabiŭ nižej łacinskija słovy Decus in Labore:

«Tatuiroŭka z takim tekstam była ŭ Mikity. Jon zrabiŭ jaje paśla taho, jak uraziŭsia historyjaj knižnaj kramy ŭ Portu, dzie ŭ azdableńni jość tyja słovy, joj nibyta natchniałasia Džoan Roŭlinh. Mnie padabajecca, jak heta hučyć pa-biełarusku — «Hodnaść u pracy».

My ź Mikitam išli pa žyćci z hetym vialikim naratyvam — vielmi važna rabić svaju spravu i rabić jaje jakasna. Tamu ja vyrašyŭ nabić tyja słovy, i mnie padabajecca, jak usio atrymałasia na nazie. U chłopčyka, jaki biažyć, jość vialiki padmurak u tym, što hodnaść u pracy, jon biažyć da Biełarusi, a źvierchu abaviazkova zahlanie sonca».

Na troch tatu Ivulin nie dumaje spyniacca. U mahčymych płanach — nabić sabie miedźviedziania Padynhtana: heta brytanski litaraturny piersanaž, hieroj šmatlikich stužak i multfilmaŭ.

«Heta miška, jaki taksama apynuŭsia ŭ vymušanaj emihracyi, ale jon emihravaŭ u Łondan. Tam ź im zdarajucca roznyja pryhody. Spačatku dumaŭ jaho nabić sabie, tym bolš jon padobny da majho sabaki, ale pakul vyrašyŭ zrabić paŭzu. Treba, kab zafiksavałasia toje, što jość».

«Naša Niva» — bastyjon biełaruščyny

PADTRYMAĆ

Kamientary4

  • Nelli
    12.03.2026
    Vyčvarenstva niejkaje. Nikoli nie razumieła navošta kalečyć ułasnaje cieła
  • Dexter Schultz
    12.03.2026
    Škada jaho .
  • 1
    13.03.2026
    Infantylnaja sučasnaść časta bačnaja pa mužčynach z bebifejsam i tatuchami. Moža, para stać darosłym?

Ciapier čytajuć

Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?19

Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?

Usie naviny →
Usie naviny

Chakiejnaha zaŭziatara i kiroŭcu asudzili za palityku. Padobna, što pa spravie Hajuna2

Biudžet siaredniaj minskaj siamji składaje 3 436 rubloŭ na miesiac

ZŠA paabiacali da $10 młn uznaharody za infarmacyju pra lidaraŭ Irana

Samaja darahaja hitara ŭ śviecie. «Čorny Stratocaster» Devida Hiłmara z Pink Floyd pradadzieny za $14,6 młn3

Brazilskaja piśmieńnica napisała knihu pra dziaŭčynku ź Biełarusi

Novy favaryt znakamitaściaŭ u pahoni za daŭhalećciem: injekcyi pieptydaŭ5

U Minsku sioleta pabudujuć 12‑kiłamietrovuju vieładarožku6

U «Biellehpramie» patłumačyli, čamu nie treba zvažać na canu biełaruskich tavaraŭ4

ZŠA pieradali Ukrainie dvuch humanoidnych robataŭ, kab pravieryć ich u bajavych umovach5

bolš čytanych navin
bolš łajkanych navin

Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?19

Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?

Hałoŭnaje
Usie naviny →

Zaŭvaha:

 

 

 

 

Zakryć Paviedamić