Viarchoŭnaja rada Ukrainy zaklikała krymčan nie brać udziełu ŭ refierendumie. Pra heta havorycca ŭ zajavie, jakuju 11 sakavika pryniała VR u suviazi z ahulnakrymskim refierendumam, jaki maje adbycca 16 sakavika.
U zajavie nahadvajecca, što 6 sakavika Viarchoŭnym savietam Aŭtanomnaj Respubliki Krym pryniata rašeńnie ab uvachodzie ARK u skład Rasijskaj Fiederacyi i praviadzieńni 16 sakavika ahulnakrymskaha refierendumu na hetaj padstavie.
U suviazi z hetym Viarchoŭnaja rada Ukrainy kanstatuje, što adznačanaje rašeńnie krymskaha parłamienta supiarečyć pałažeńniam Kanstytucyi Ukrainy. Zaznačajecca, što zvarot VR Kryma da prezidenta Rasii i Fiederalnaha schodu Rasijskaj Fiederacyi ab pryniaćci ARK u skład Rasii supiarečyć artykułam 134 i 138 Kanstytucyi Ukrainy, u adpaviednaści ź jakimi Viarchoŭny saviet ARK nie nadzieleny paŭnamoctvami ažyćciaŭlać źniešniepalityčnyja adnosiny.
Viarchoŭnaja rada Ukrainy patrabuje ad Viarchoŭnaha savieta Kryma nieadkładna pierahledzieć svajo rašeńnie ad 6 sakavika i pryvieści jaho ŭ adpaviednaść z Kanstytucyjaj Ukrainy i Kanstytucyjaj Aŭtanomnaj Respubliki Krym.
U vypadku, kali adznačanaje rašeńnie da 12 sakavika nie budzie pryviedziena Viarchoŭnym savietam Kryma ŭ adpaviednaść z Kanstytucyjaj Ukrainy i Kanstytucyjaj ARK, u Viarchoŭnaj radzie Ukrainy budzie inicyjavana pytańnie ab daterminovym spynieńni paŭnamoctvaŭ VS Kryma, padkreślivajecca ŭ zajavie.
Viarchoŭnaja rada Ukrainy ličyć metazhodnym źviarnucca ŭ Vieniecyjanskuju kamisiju Savieta Jeŭropy nakont rašeńnia Viarchoŭnaha savieta Aŭtanomnaj Respubliki Krym ab praviadzieńni 16 sakavika 2014 hoda tak zvanaha ahulnakrymskaha refierendumu.
Ciapier čytajuć
Babaryka: Kali b my pieramahli — vajny va Ukrainie nie było b29
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»88
Kamientary