Kamandzir ukrainskaj vajskovaj častki ŭ Bielbieku, zachoplenaj 22 sakavika rasijskim śpiecnazam, aryštavany i dastaŭleny ŭ vajskovuju turmu ŭ Sievastopali.
Pra heta žurnalistam zajaviła žonka Mamčur sa spasyłkaj na jaho paviedamleńnie.
Pa słovach žonki Mamčura, muž patelefanavaŭ joj i paviedamiŭ, što aryštavany i što jaho adpraŭlajuć u vajskovuju turmu ŭ Sievastopali. Paśla hetaha suviaź ź im pierarvałasia.
Razam z tym padnačalenyja Mamčura ŭ v/č u Bielbieku zajavili, što nie pakinuć zachoplenuju rasijskimi vojskami bazu, pakul Mamčur nie vierniecca.
Jak viadoma, 22 sakavika adbyŭsia šturm avijabazy, na terytoryju prarvalisia pradstaŭniki samaabarony Krymu. Varoty ŭ čaść prałamili BTRam. Padčas šturmu byli čutnyja streły, u šturmie zadziejničana nie mienš za 6 adzinak BTR-80.
Padčas šturmu paciarpieli adzin žurnalist i adzin ukrainski vajskoviec.
Mamčur vyznačyŭsia ŭpartaściu, ź jakim admaŭlaŭ zachopnikam u pierachodzie da ich na słužbu.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary