Fiłosaf, mietadołah i były palitviazień Uładzimir Mackievič u fejsbuku adnaznačna akreśliŭ svajo pazityŭnaje staŭleńnie da Śviatłany Cichanoŭskaj, i patłumačyŭ, jak da hetaha pryjšoŭ.
Boža, mianie dastajuć pytańniami pra Śviatłanu Cichanoŭskuju, pra majo staŭleńnie da jaje, nu i niekatoryja pytajucca pra adnosiny ź joj. I nie tolki pytańniami. Hučać i abrazy, kpiny, abvinavačvańni i inšyja pretenzii. […]
Ale voś adno z apošnich pytańniaŭ padałosia mnie prydatnym dla kateharyčnaha i vyčarpalnaha adkazu.
Mianie spytali: «Ci hierainia Śviatłana Cichanoŭskaja?»
Adkazvaju, jasna i kateharyčna — TAK! Śviatłana Cichanoŭskaja — hierainia!
[…] Ciapier niekalki tłumačeńniaŭ. Ja nie ličyŭ Śviatłanu hierainiaj u 2020 hodzie. Tak, pavažaŭ jaje rašeńnie i ŭčynak zamianić Siarhieja, stać na miesca, jakoje vyzvaliłasia. Hety ŭčynak patrabavaŭ vialikaj mužnaści, ale ja jašče nie bačyŭ u hetym podźvihu. […]
Potym — VMS. Heta nie vajskova-marskija siły, heta trya hieraičnych žančyn: Vieranika — Maryja — Śviatłana.
Nazirajučy za hetym cudoŭnym trya, ja niedaaceńvaŭ Śviatłanu. Napeŭna, pamylaŭsia, bačačy Śviatłanu ŭ ciani bliskučych Vieraniki i Maryi.
Potym jašče raz uspychnuła zorka Maryi, kali jana parvała svoj pašpart. I tady mnie było nie da taho, kab nadavać vielmi vialikaje značeńnie hetym učynkam. Zaŭsiody viedaŭ, što Biełaruś — nacyja i kraina hierojaŭ («Nacyja hierojaŭ» nazyvałasia majo intervju ŭ časopisie «Bolšoj» zadoŭha da ŭsich hetych padziej). Tamu zusim nie dziviŭsia hodnym učynkam tysiač biełarusaŭ u 2020 hodzie.
Napeŭna, heta varta paŭtaryć jašče nie raz: My — nacyja hierojaŭ. Nie kožny biełarus hieroj, ale ŭsia našaja historyja poŭnaja hierojaŭ. Ale my nie cenim hetaha, nie šanujem svaich hierojaŭ. Lohka zhadžajemsia, kali inšyja narody pačynajuć šanavać biełarusaŭ jak svaich hierojaŭ.
My nie cyničnyja, prosta źlohku tarmozim, strymanyja ŭ vyjaŭleńni pačućciaŭ i emocyj. A ja typovy biełarus, taksama hrašu hetym.
I tolki tady ja pierakanaŭsia ŭ tym, što Śviatłana — sapraŭdnaja hierainia, kali jana stała palitykam. Bliskučym palitykam. Asabliva zachaplaje, što jana stała im z nula, nie majučy za plačyma ni padrychtoŭki, ni vopytu.
Zastavalisia jašče niekatoryja sumnievy, i ŭ śniežni 2020 hoda ja śpiecyjalna pajechaŭ u Vilniu, kab paznajomicca ź joj pa-sapraŭdnamu. Pierakanaŭsia. I z taho času ŭ mianie nie było nahodaŭ zasumniavacca ŭ svajoj vysnovie.
Pakul siadzieŭ u turmie, moh prapuścić niešta. Vyjšaŭ, azirnuŭsia, sabraŭ infarmacyju, jašče raz sustreŭsia sa Śviatłanaj, i jašče bolš umacavaŭsia ŭ svajoj acency. […]
Pra staŭleńnie da Śviatłany Cichanoŭskaj ja adkazaŭ jasna i vyčarpalna. Jašče pra adnosiny ź joj. Vyklučna palityčnyja adnosiny. Ja nie ŭvachodžu ŭ jaje partyju, hrupu, kłan, ofis, ci što tam jašče moža być. Nie źjaŭlajusia ni apanientam, ni kankurentam. Hetyja adnosiny pakul dalokija ad žadanych. Budu staracca da bolšaj praduktyŭnaści. Siońnia ŭ intervju Łukašuku Śviatłana dała zrazumieć, što i jana nie suprać.
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio
«Vy pačynajecie stahnać, łuchtu roznuju hnać» — fiłosaf Mackievič pavučaŭ błohiera Piatruchina
Mackievič: Abaraniajcie svaich lidaraŭ
Uładzimir Mackievič: Najhoršaje, što sa mnoj adbyłosia ŭ turmie, — toje, što zabrali maje sšytki
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary
Kaho pradstalaje Cichanoŭskaja i pierad kim jana adkazvaje?
Heta dastatkova talenavitaja aktrysa, jakaja vymušana była hrać adviedzienuju joj čužyncami rolu dla taho, kaho zarabić na žyćcio sabie i dzieciam. Muž u turmie, majno adabrali, vopyta i prafiesii nijakaj - bieznadzioha poŭnaja. Skazali rabi - robić. Prybiaruć padporki - padzie jak asinavaje liście.