Jaho pastavili na stancyi mietro «Kamiennaja Horka».
Pieršy aŭtamat, jaki dazvalaje kupić bukiet, zapracavaŭ u staličnym mietro, paviedamlajuć Minsk-naviny.
Jon znachodzicca ŭ padziemnym pierachodzie la stancyi mietro «Kamiennaja Horka» i funkcyjanuje kruhłasutačna.
U vitrynie — kvietkavyja kampazicyi ad staličnaha parnikova-ciapličnaha kambinata. Jaho supracoŭniki dystancyjna adsočvajuć najaŭnaść kvietak u aŭtamacie i pa miery ich realizacyi buduć padvozić novyja.
Kab kupić, treba ŭvieści kod abranaha bukieta. Apłata robicca na miescy bankaŭskaj kartaj. Zboku pryłady dla hetaha jość terminał, da jakoha prykładvajuć «płastyk». Raźličycca taksama prapanavana kartkaj z telefona.
Paśla paśpiachovaj apłaty pavinna aŭtamatyčna adkrycca viečka z patrebnym bukietam. Kab jaho zabrać, u pakupnika budzie 20 siekund da jaje zakryćcia.
Na ściency pryłady raźmieščana karotkaja instrukcyja, prytrymlivańnie jakoj dazvolić atrymać kvietki.
Kamientary