Łukašenka: Uroki Ukrainy pakazali, što dla abarony krainy moža spatrebicca i armija

RIA «Naviny»: Rasija zajaviła pra hatoŭnaść da kanca hoda pavialičyć kolkaść rasijskich samalotaŭ da 24. Jak doŭha jany buduć znachodzicca ŭ Biełarusi? Ci jość jašče płany pa sumiesnych vučeńniach z Rasijaj? I jak budziem abaraniać miežy našaj Radzimy?

A. Łukašenka: Ničoha novaha nie skažu. Vy viedajecie, što kožny hod pa čarzie na terytoryi Biełarusi i Rasii pravodziacca vučeńni biełaruskich i rasijskich vojskaŭ. Kali ŭ Rasii, to asnovu składajuć rasijskija Uzbrojenyja siły, našych častak tam mieniej. Kali na terytoryi Biełarusi, a heta samaje hałoŭnaje, tamu što na zachodnim napramku ŭ Sajuzie Biełarusi i Rasii asnovaj źjaŭlajecca biełaruskaja armija, i jaje ŭ vypadku, nie daj Boh, kanfliktu abo vajennych dziejańniaŭ zachodnija častki Rasijskaj Fiederacyi padmacoŭvajuć, pierakidvajucca siudy ci ŭ niejkaj rajon u zaležnaści ad płana viadzieńnia vajennych dziejańniaŭ, ale ŭsio roŭna heta sumiesnyja dziejańni. I my damovilisia, heta była maja nastojlivaja prapanova, što pavinnyja navučać svaich vajskoŭcaŭ. Nie adrazu pahadziłasia kiraŭnictva Rasii na heta, ale ciapier my tak i robim. Adzin hod u nas, adzin hod u ich. My heta ŭžo, pa-mojmu, 3 ci 4 hady padtrymlivajem.

U minułym hodzie byli vučeńni ŭ nas. U nastupnym hodzie buduć u ich. I pry tym my prosim rasijcaŭ, kab my vučeńni pravodzili pierš za ŭsio na palihonach, jakich u nas niama. S-300 my stralać u Biełarusi nie možam, tamu što heta niebiaśpiečnaja zbroja, taksama i niekatoryja inšyja rakietnyja sistemy.

Tamu my pravodzim na ich palihonach vučeńni, kab u bajavoj abstanoŭcy navučyć našu armiju. Dla čaho my heta robim? Znoŭ uroki Ukrainy pakazali: kali treba było abaraniać krainu, armii niama.

Jaje niama, pa vialikim rachunku, i ciapier. I heta nie ja vysnovu zrabiŭ, a vykanaŭca abaviazkaŭ ministra abarony, vystupajučy ŭ parłamiencie, dakładvaŭ, kolki ŭ jaho ličycca štychoŭ, kolki ŭ jaho siońnia možna mabilizavać, kolki nieadkładna mohuć adreahavać. A nivodnaha. U takoj hihanckaj dziaržavy akazałasia, što vojska ličyłasia na papiery. Nie pravodzilisia vučeńni, nie było zładžvańnia ekipažaŭ i hetak dalej. Kolki času prajšło, pierš čym jany mahli znajści miechanikaŭ-kiroŭcaŭ i vyvieźci bronietechniku. Voś da čaho moža pryvieści niehatoŭnaść armii. Jany nie mohuć da hetaha času stabilizavać stanovišča ŭ krainie. Niama toj siły va Ukrainie.

Ale kali jość armija, jana pavinnaja vučycca. Jany pavinnyja być hatovyja ŭ luby momant abaraniać Radzimu. Kali vy nie chočacie ich navučać, to nie treba ich i ŭtrymlivać.

My ŭ svoj čas zajavili, što 150-200 tysiač Uzbrojenych sił, jakija nam dastalisia, my ŭtrymlivać nie možam i nie pavinnyja. Vojska robicca technałahičnym. I my pačali skaračać. Siońnia ich mienš za 70 tysiač, budzie 55.

Heta budzie narmalnaja armija, vielmi mahutnyja siły. My ich pieraaryjentavali. Užo frantoŭ nie budzie. Patrebnyja siły śpiecyjalnych apieracyj, śpiecpadraździaleńni. Što my, darečy, užo zrabili. Ciapier idzie pahłybleńnie, madernizacyja armii, u tym liku i ŭ kirunku ŭzbrajeńnia. Voś my niadaŭna ź dziaržaŭnym sakratarom Savieta Biaśpieki i ministram abarony abmiarkoŭvali hetyja pytańni.

Tamu tut ničoha novaha niama. Kožny hod my budziem sumiesna pravodzić vučeńni z Rasijskaj Fiederacyjaj. Heta pavodle našych damovaŭ. Dakładna tak, jak robiać nataŭcy.

Što da samalotaŭ. Nie treba Rasiju paprakać u tym, što ŭ jaje impierskija zamaški, bandyty i hetak dalej, što jany, maŭlaŭ, hetyja samaloty pryhnali i pasadzili ŭ Biełarusi.

Jašče, napeŭna, hod ci bolej tamu ja źviarnuŭsia da prezidenta Rasii ŭ suviazi z tym, što ŭ nas resurs samalotaŭ kožny hod sychodzić, ich treba abo madernizavać i ramantavać, abo mianiać na novyja.

Ale navošta mianiać na novyja tank ci samalot, jakija va ŭmovach vajny raźličanyja litaralna na hadziny boju? Siońnia ŭvieś śviet idzie šlacham madernizacyi Uzbrojenych sił. My taksama heta robim. My pierabudavali pracu našych abaronnych pradpryjemstvaŭ, a vy viedajecie, što viadučymi ŭ Savieckim Sajuzie pa ramoncie i madernizacyi byli my. Zajmalisia ŭ asnoŭnym ramontam, ale ja ich pieraaryjentavaŭ i na madernizacyju: u Barysavie — bronietechnika, u Baranavičach — najmahutniejšy zavod suśvietnaha značeńnia, suśvietna viadomy, pa madernizacyi lotnych aparataŭ (viertalotaŭ, samalotaŭ, bieśpiłotnikaŭ i hetak dalej). Ja ich taksama paviarnuŭ u bok madernizacyi: nie prosta adramantavać stary samalot, a madernizavać jaho, što jany i robiać. U najbližejšy čas my z vami pabudziem u Baranavičach i pahladzicie, jak idzie hetaja madernizacyja.

Ja źviarnuŭsia da Uładzimira Uładzimiraviča Pucina z prośbaj pradstavić dziesiać samalotaŭ. Nam jany vielmi patrebnyja nie tamu, što ŭ nas ich niama. Siońnia ŭ Biełarusi, pa-mojmu, 160 samalotaŭ i viertalotaŭ, zadziejničana, napeŭna, 60. Nam heta dosyć i navat šmat dla tych Uzbrojenych sił, jakija my siońnia rychtujem.

Jašče raz padkreślivaju: hałoŭnaje dla nas nie samaloty i viertaloty, hałoŭnaje dla nas siońnia — siły śpiecyjalnych apieracyj, armija, jakaja moža nanieści niepapraŭnuju škodu sapierniku, armija, jakaja moža abaranić našu krainu, pierš za ŭsio ad hetych samalotaŭ, viertalotaŭ, kryłatych rakiet. Značyć, pavinnaja być sistema supraćpavietranaj abarony, sistema raźviedki, vyjaŭleńnia mety.

My sami stvaryli novyja radyjołakacyjnyja stancyi — «Uschod» i «Rasa». «Rasa» — nizkalotnaja, vydatna pracuje na nizkaj vyšyni, «Uschod» vydatna pracuje pa troch kaardynatach. U nas užo hatovyja hetyja sistemy kuplać. Ale my pakul abstaloŭvajem svajo vojska. Značyć my možam vyjavić i navieści našu supraćpavietranuju abaronu na metu, jakaja źjavicca, navat suprać kryłatych rakiet.

Treba jašče zbroju supraćpavietranaj abarony, S-300 i inšuju. Što my i robim. Kali Rasija skazała, što nie moža S-300 zusim biaspłatna dać, ja skazaŭ, što my budziem kuplać. I kuplajem S-300, jak by ni było nam ciažka.

Ale i, viadoma ž, nichto nie admianiaŭ, dla taho kab źniščać terarystaŭ (na vučeńniach vy bačyli, my prapracoŭvali hetuju taktyku), patrebnyja viertaloty. Viertalot u horku padniaŭsia — źniščyŭ cełuju placoŭku, dzie znachodziacca terarysty. Nu a suprać viertalotaŭ, vy ž viedajecie, jość vielmi dobraja zbroja: na plačo — i niama viertalota. Voś heta kaža pra toje, jakaja kaštoŭnaść samalotaŭ, viertalotaŭ. Ale tym nie mienš jany patrebnyja.

Tady ja i paprasiŭ hetyja 10 samalotaŭ.

Heta było bolš za hod tamu. Ciapier jany znachodziacca ŭ Biełarusi: 4 sa śniežnia i 6 źjavilisia niadaŭna, kali ja zapatrabavaŭ, kab rasijski bok vykanaŭ svaje abaviazańni. Pasadzili ich u Babrujsku na zapasnym aeradromie.

Pryčym rasijskija ekipažy ŭ nas dziažurać pa našym zadańni, padparadkoŭvajucca našym Uzbrojenym siłam. Ciapier ja pastaviŭ pytańnie, kab lotali razam rasijec i naš biełarus, kab navyki nie stracić, kab u nas škoła zastałasia. Voś tamu ja prasiŭ 10 samalotaŭ. A nie toje, što pryhanicie z rasijskimi ekipažami i dapamažycie nam.

Što da jašče 24-ch, u dačynieńni da jakich vy zadali pytańnie, nam u pryncypie jany nie patrebnyja. Ale było b niadrenna, kali b u nas byli jašče ŭ zapasie dobryja sučasnyja samaloty.

I kali, jak RIA «Naviny» kaža, što jašče 24 samaloty rasijcy hatovyja nam dać, ja budu tolki rady. Choć, paŭtarusia, vostraj nieabchodnaści niama. Ja paŭhoda tamu ŭžo i nie čakaŭ, što rasijcy nam dapamohuć, i daŭ kamandu Vajenna-pavietranym siłam nieadkładna madernizavać svaje 10 samalotaŭ. Da kanca hoda jany buduć u strai — SU-27 i MiH-29. Hetaha nam dastatkova da 2025 hoda, kali my ŭ spraŭnym stanie budziem padtrymlivać toje, što jašče lotaje ŭ nas siońnia.

Tamu tut niama vialikaj prablemy, heta nie cisk Rasii, heta była maja prośba dać 10 samalotaŭ.

I kali daduć jašče 20 samalotaŭ, tym bolš što jany pryjazdžajuć na zapraŭku, zarpłatu atrymlivajuć u Rasii, heta nam vielmi i vielmi vyhadna. Bo samalot — vielmi darahaja cacka dla dziaržavy.

• 0
• 0
• 0
• 0
• 0
• 0
• 0
• 0