Na niekatorych učastkach jaŭka razychodziłasia na 500 čałaviek
Naziralniki ličyli ludziej uvieś čas na daterminovym hałasavańni i ŭ dzień vybaraŭ.
U siarednim jaŭka pa padlikach naziralnikaŭ i padlikach kamisii razychodziłasia na 80 hałasoŭ. Na niekatorych učastkach naziralniki nie daličylisia da 300 čałaviek. A na adnym z učastkaŭ Mahilova — 500 čałaviek!
«Pa-roznamu, niedzie 500 čałaviek, niedzie 300, niedzie 800. My ciapier siadzieli, usie partyjnyja kaardynatary, va ŭsich takija razychodžańni. Jak heta robicca? Prosta našym naziralnikam kažuć: vy nie ŭmiejecie ličyć. Chacia ŭ nas navat pa padlikach naziralnikaŭ, na niekatorych učastkach była jaŭka kala 50%. Zrazumieć dla čaho damaloŭvajecca jaŭka, mnie ŭ hałavu nijakaha łahičnaha tłumačeńnia nie prychodzić», — kaža naziralnik z Mahilova Aksana Zakreŭskaja.
Šmat vypadkaŭ parušeńniaŭ pa infarmacyi naziralnikaŭ było zafiksavana padčas hałasavańnia na damu. Pra heta ŭ svaich spravazdačach pišuć naziralniki kampanij «Pravaabaroncy za svabodnyja vybary» i «Nazirańnie za vybarami: teoryja i praktyka».
Na adnym z učastkaŭ Pinska ŭ vynikovym pratakole było paznačana 177 čałaviek, jakija prahałasavali na damu, zamiest 10, jakija padali zajavy. Byli vypadki, kali kamisija brała z saboj bolš biuleteniaŭ, čym było zajaŭlena ŭ vyjaznych arkušach. Heta kankretnaje parušeńnie vybarčaha zakanadaŭstva.
Tak, siabry UVK № 8 h. Homiela atrymali ŭ kamisii 150 biuleteniaŭ dla hałasavańnia pa miescy znachodžańnia vybarščykaŭ pry tym, što ŭ adpaviednym śpisie było 26 čałaviek.
Členy UVK № 11 h. Mahilova atrymali 4 prośby ab hałasavańni pa miescy žycharstva, ale ŭ vyniku ŭnieśli ŭ pratakoł źviestki ab tym, što prahałasavaŭ 21 vybarščyk.
U mnohich vypadkach usie biuleteni ličylisia razam. Na 35% učastkaŭ, dzie byli naziralniki, nie abjavili vyniki asobnaha padliku hałasoŭ. Taksama naziralniki zafiksavali vypadki, kali kamisii zusim nie vyviešvali pratakoły ab vynikach hałasavańnia.
Toje, što naziralnikaŭ nie padpuskali blizka da stałoŭ, dzie ličyli hałasy, užo nikoha nie ździŭlaje.
Na 98% vybarčych učastkaŭ naziralniki nie mieli mahčymaści paŭnavartasna sačyć za praceduraj padliku hałasoŭ. Na 93% učastkach jany adznačyli, što adlehłaść da stała, na jakim vioŭsia padlik biuleteniaŭ, nie dazvalała im bačyć ich źmiest.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»28
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary