Arhkamitet Čarnobylskaha šlachu planuje raspačać šeście z Kastryčnickaj płoščy

Na sajcie milinkevich.org źjaviŭsia «Zvarot Nacyjanalnaha arhkamitetu Čarnobylskaha šlachu». U im, u pryvatnaści, havorycca:

«Ciapierašniaja ŭłada źniščaje biełaruski narod fizična. My vymirajem. Za apošnija 10 hadoŭ kolkaść žycharoŭ Biełarusi skaraciłasia na paŭmiljona – da 9 500 000 čałaviek. Mnohija pracavityja i adukavanyja ludzi, jakija zrazumieli, što im tut nie daduć hodna žyć, źjechali za miažu.

Čarnobylskaja katastrofa zakranuła KOŽNAHA žychara Biełarusi:

– čverć našaj terytoryi, dzie žyvie 1 840 000 čałaviek, zabrudžana radyjanuklidami;

– na mocna zaražanych terytoryjach (ad 15 da 40 kiury) žyvie 140 000 čałaviek, chacia ŭ Rasiei dy Ukrainie z takich zonaŭ daŭno ŭsich adsialili;

– na zaražanych terytoryjach vyroščvajuć charčovyja pradukty, jakija ŭsie my spažyvajem.

U VYNIKU:

– ad radyjacyi ŭ Biełarusi užo pamierła 200 tysiač čałaviek;

– pieršasnaja invalidnaść z 1986 hoda pavialičyłasia na 50%;

– kolkaść hienietyčnych adchileńniaŭ u niemaŭlataŭ uzrasła ŭ 8 razoŭ;

– tolki 13% vypusknikoŭ škoł ličacca zdarovymi.

ALE ciapierašniaje kiraŭnictva krainy nia kaža praŭdy pra Čarnobyl. Ułady spynili adsialeńnie z zabrudžanych rajonaŭ i abjavili ich čystymi. Jany prymusova raźmiarkoŭvajuć vypusknikoŭ univiersitetaŭ u čarnobylskija rajony.

My ŭsie – zakładniki režymu, jaki chłusić nam, jaki nie dbaje pra zdaroŭje i žyćcio ludziej. My patrabujem:

– skazać praŭdu pra nastupstvy katastrofy;

– adsialić ludziej z mocna zaražanych terytoryjaŭ (15 i bolš kiury);

– zabiaśpiečyć invalidaŭ Čarnobyla lekami i lačeńniem;

– viarnuć ilhoty likvidataram;

– spynić vytvorčaść praduktaŭ na zabrudžanych terytoryjach;

– admianić abmiežavańni na humanitarnuju dapamohu čarnobylcam z-za miažy;

– spynić prymusovaje raźmierkavańnie studentaŭ.

Biełarusy stamilisia ad niapraŭdy. 19 sakavika miljony ludziej prahałasavali za novaha prezidenta Alaksandra Milinkieviča, za Svabodu, Praŭdu i Spraviadlivaść.

Ale nichto nie ličyŭ hałasy. U vybarčych kamisijach nie było pradstaŭnikoŭ alternatyŭnych kandydataŭ i demakratyčnych siłaŭ. Pratakoły vybarčych kamisijaŭ byli zahadzia padrychtavanyja – z 83% za Łukašenku. U nas ukrali našyja hałasy.

Tamu dziesiatki tysiačaŭ advažnych ludziej na zaklik svajho serca, niahledziačy na choład i na zapałochvańni ŭłady, vyjšli na centralnuju płošču stalicy. Čatyry dni i čatyry načy stajaŭ biełaruski Majdan, dzie sabralisia mužčyny i žančyny, haradžanie i sialanie, moładź i piensijaniery, navukoŭcy i rabočyja. Ludzi hodna i mirna patrabavali novych, spraviadlivych vybaraŭ. Ich razahnali hrubaj siłaj. Kala paŭtary tysiačy čałaviek byli kinutyja ŭ turmy. Ułada nie čakała takoha pratestu, i navat turmy nie byli hatovyja pryniać hetulki viaźniaŭ.

Nivodnaja demakratyčnaja kraina śvietu nie pryznała «vybaraŭ» 19 sakavika, bo byli parušanyja ŭsie mahčymyja mižnarodnyja normy. Dastatkova skazać, što treć vybarščykaŭ administracyjnym prymusam zahnali na papiaredniaje hałasavańnie, a naziralnikam – jak mižnarodnym, tak i biełaruskim – nie dazvalali nazirać padlik hałasoŭ, h.zv. vykonvać svoj pramy abaviazak.

Niahledziačy na pahrozu represijaŭ, kala 30 tysiačaŭ čałaviek iznoŭ vyjšli na mienskija vulicy ŭ Dzień Niezaležnaści 25 Sakavika. Heta była mirnaja manifiestacyja tych, chto nie pahadziŭsia być prynižanym i padmanutym. Adnak ułady znoŭ užyli siłu suprać mirnych demanstrantaŭ.

I tym nie mienš, my nie baimsia. Biełaruskaje hramadstva pieraadoleła strach. Vidavočna, što Łukašenka nie dabudzie da kanca čarhovaha piacihadovaha terminu. Kab heta adbyłosia chutčej, nielha pahadžacca z vynikami sfalšavanych vybaraŭ. Treba praciahvać i pašyrać mirny pratest suprać ździeku z narodu.

MY CHOČAM ŽYĆ U SVABODNAJ KRAINJe, UŁADY JAKOJ NIE ŁHUĆ SVAIM HRAMADZIANAM.

MY CHOČAM BYĆ ZDAROVYMI.

MY CHOČAM, KAB NAŠYJA HAŁASY NA VYBARACH PRAŬDZIVA LIČYLI.

ZAKLIKAJEM NA ČARNOBYLSKI ŠLACH!

26 krasavika, 18.00, Kastryčnickaja płošča»

milinkevich.org

• 0
• 0
• 0
• 0
• 0
• 0
• 0
• 0