Bolšaść zatrymanych 25 sakavika adpuścili biez składańnia pratakołaŭ
Bolšaść zatrymanych udzielnikaŭ akcyi, jakaja prajšła viečaram 25 sakavika ŭ Minsku, byli adpuščanyja ź milicyi biez składańnia pratakołaŭ.
Pozna viečaram 25 sakavika, prykładna ŭ 22.30, z Zavodskaha RUUS Minska byli adpuščanyja aktyvisty kampanii «Jeŭrapiejskaja Biełaruś» Leanid Kułakoŭ, Uład Barodka, Alena Łazarčyk i Siarhiej Mackojć. Taksama biez składańnia pratakołaŭ adpuścili z Savieckaha RUUS Minska aktyvistaŭ zarehistravanaj u Čechii arhanizacyi «Małady front» Dźmitryja Drazda i Stanisłava Račkiela. Za niepaŭnaletnim Viktaram Kaškievičam pryjechali jaho baćki.
Aktyvist «Jeŭrapiejskaj Biełarusi» Maksim Viniarski zastajecca ŭ Zavodskim RUUS. Dahetul nieviadomy los zatrymanaha Alaksieja Markoŭskaha. Pravaabaroncy sprabujuć vyśvietlić jaho miescaznachodžańnie.
Nahadajem, usie aktyvisty byli zatrymanyja paśla zakančeńnia mitynhu, jaki prajšoŭ u parku Družby Narodaŭ. Mitynh pačaŭsia na hadzinu paźniej, čym było zapłanavana. Jon adbyŭsia paśla tradycyjnaha šeścia.
Ciapier čytajuć
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary