U studzieni—lutym hetaha hoda valutnaja vyručka Biełarusi skłała 6,5 młrd. dołaraŭ i źniziłasia na 553,7 młn. dołaraŭ (na 7,8%) u paraŭnańni z anałahičnym letašnim pieryjadam.
Jak śviedčać źviestki Nacyjanalnaha banka, skaračeńnie valutnaj vyručki adbyłosia ŭ vyniku pamianšeńnia biełaruskaha ekspartu tavaraŭ.
Tak, vyručka ad ekspartu tavaraŭ u studzieni—lutym skłała 5,23 młrd. dołaraŭ i źniziłasia ŭ paraŭnańni z anałahičnym letašnim pieryjadam na 10,9%, ci na 640,5 młn. dołaraŭ.
Treba adznačyć što u 2013 hodzie ŭ vyniku pamianšeńnia abjomaŭ biełaruskaha ekspartu tavaraŭ valutnaja vyručka Biełarusi źniziłasia na 6,6 młrd. dołaraŭ u paraŭnańni z 2012-m.
Jak adznačajuć ekśpierty, źnižeńnie valutnych pastupleńniaŭ viadzie da skaračeńnia prapanovy zamiežnaj valuty na ŭnutranym rynku, što, u svaju čarhu, akazvaje dadatkovy cisk na kurs biełaruskaha rubla.
Kamientary