Hramadskaha aktyvista Vasila Sierhijenku z horada Korsuń-Šaŭčenkaŭski Čarkaskaj vobłaści, jakoha ŭčora vykrali nieviadomyja, siońnia znajšli miortvym u Vyhraiŭskim lesie ŭ 15 kiłamietrach ad horada.
«U abied chłopcy ź miascovaj samaabarony znajšli miesca, što było padobnym na śviežavykapanaj jamy. Dačakalisia čarkaskich kryminalistaŭ i pačali raskopvać miesca, zakrytaje śmiećciem. Tam znajšli cieła mužčyny z paviernutym tvaram u ziamlu, na rukach — kajdanki. Chłopcy paznali ŭ im źnikłaha Vasila Sierhijenku», — raspaviadaje sotnik Samaabarony Aleh Sobčanka.
«Paśla taho, jak dastali cieła mužčyny, ubačyli ślady strašnych katavańniaŭ:
u Vasila poŭnaściu raźbita hałava, pierabityja kaleni, niekalki nažavych ran u vobłaść nyrki, nažavoje ranieńnie ŭ vobłaść serca śpieradu i niekalki nažavych u serca sa śpiny, pierarezana šyja śpieradu, pierarezana patylica. U mahile značnaja kolkaść kryvi, h.zn. dabivali jaho jašče tam. Jama vykapana była zahadzia, tamu śviežaja ziamla pieramiašanaja z suchoj. Na heta strašna hladzieć, prosta miesiva niejkaje, a nie cieła čałavieka».
Aktyvisty Samaabarony majuć tolki adnu viersiju zabojstva: palityčnaja i hramadskaja dziejnaść. Vasil Sierhijenka byŭ namieśnikam staršyni Narodnaj Rady Korsunščyny.
«My stracili adnaho svajho bajca. Mahčyma, heta zroblena dla taho, kab nas zapałochać i my pierastali rabić toje, što robim — kantralavać uładu», — skazaŭ Aleh.
Učora ŭviečary Vasila Sierhijenku, hramadskaha aktyvista i žurnalista, źbiła kala ŭłasnaha doma, a zatym vykrała hrupa nieviadomych.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram26
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary