Viktaru Hančarenku pastavili zadaču vyvieści zbornuju Biełarusi pa futbole na top-turnir
Nacyjanalnaja zbornaja Biełarusi z 1992 hoda jašče ni razu nie prabivałasia na čempijanaty śvietu ci Jeŭropy, navat nie hulała ŭ stykavych matčach.
Pieršy namieśnik staršyni Asacyjacyja Biełaruskaja fiederacyja futboła Andrej Vasilevič ahučyŭ hałoŭnuju zadaču Viktara Hančarenki i kamandy Biełarusi, jakuju jon uznačalvaje.
«Siarod najbližejšych zadač — vychad na top-turnir. Najbližejšy — heta čempijanat Jeŭropy. U pryncypie, trapić tudy, uličvajučy ciapierašni farmat adboru, całkam realna [u turniry ŭdzielničaje 24 zbornyja z 53‑ch jeŭrapiejskich — NN]. A bolš hłabalnyja i pryvatnyja zadačy buduć pastaŭleny i abmierkavany ŭ lutym, kali adbudziecca losavańnie Lihi nacyj. Tady ŭžo vybudujem stratehiju na najbližejšuju vosień i na ŭvieś 2027 hod, kali budzie prachodzić adbor na JEŬRA», — adznačyŭ Vasilevič.
Viktar Hančarenka ŭznačaliŭ zbornuju Biełarusi 6 studzienia. Kantrakt śpiecyjalista z ABFF raźličany da kanca 2029 hoda.
Nacyjanalnaja kamanda Biełarusi z 1992 hoda jašče ni razu nie prabivałasia na čempijanaty śvietu ci Jeŭropy, navat nie hulała ŭ stykavych matčach.
Uvosień 2026 hoda projdzie čarhovy rozyhryš futbolnaj Lihi nacyj. Zbornaja Biełarusi hulaje ŭ dyvizijonie S (trecim pa siłach), pieramoha ŭ jakim moža dać pucioŭku ŭ stykavyja matčy Jeŭra-2028. Losavańnie Lihi nacyj projdzie 12 lutaha 2026 hoda.
Adboračnyja matčy da čempijanatu Jeŭropy 2028 hoda projduć u nastupnym 2027 hodzie.
Pierad papiarednim trenieram kamandy Biełarusi Karłasam Ałosam staviłasia zadača ŭ adbory da čempijanatu śvietu 2026 hodzie zaniać druhoje miesca ŭ hrupie z Šatłandyjaj, Danijaj i Hrecyjaj, što dało b pucioŭku ŭ styki. Biełaruś finišavała na apošnim čaćviortym miescy, ni razu nie pieramohšy, dvojčy zhulaŭšy ŭničyju i čatyry razy prajhraŭšy.
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom1
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1818
Kamientary