Urad i dalej budzie pavyšać taryfy na žyllova-kamunalnyja pasłuhi, ale nie bolš za 5 dołaraŭ plus indeksacyja ŭ zaležnaści ad źmieny koštu.
Namieśnik premjer-ministra Biełarusi Anatol Kalinin adznačyŭ, što ciapier žychary Biełarusi płaciać tolki 28% ad koštu pasłuh na žyllova-kamunalnyja pasłuhi. Jon taksama adznačyŭ, što da 2015 hoda karystalniki elektryčnaści i hazu buduć płacić poŭny košt za hetyja pasłuhi. Astatniaja kamunałka biełarusam abyjdziecca prykładna 60% ad poŭnaha koštu.
U Biełarusi stvorana rabočaja hrupa pad kiraŭnictvam staršyni Kamiteta dziaržaŭnaha kantrolu, jakaja ŭ tym liku razhladaje pytańni taryfnaj palityki.
«My vyklučajem nieŭłaścivyja vydatki, jakija raniej byli praduhledžany ŭ płaciažach i vystaŭlalisia nasielnictvu. U bližejšyja miesiac — dva my zavieršym pracu, i vy ŭbačycie prazrystaść u pradastaŭleńni kamunalnych pasłuh », — paviedamiŭ Anatol Kalinin. «Naša zadača — źniać lišnija vydatki, jakija nie pavinny adnosicca da sabiekoštu pasłuh», — padkreśliŭ jon.
Jon taksama paabiacaŭ, što pavyšeńnia taryfaŭ na pasłuhi ŽKH u hetym hodzie bolš nie budzie.
Košt kamunalnych pasłuh u apošni raz padvyšalisia ŭ sakaviku 2014-ha, paśla čaho biełarusam stali prychodzić žyroŭki, «patłuścieŭšyja» na 2,8%. Pierad hetym pavyšeńnie pravodziłasia ŭ lutym, kali pavialičyŭsia na 18% taryf za elektraenierhiju. Hetak, pastupovy rost taryfaŭ za elektraenierhiju, haz i ŽKH skaračaje roźnicu ŭ kamunalnych taryfach ad ich realnaha sabiekoštu z zachavańniem častkovaha dziaržsubsidavańnia žyllova-kamunalnaj śfiery.
Kamientary