Z adpaviednaj zajavaj paśla pieramovaŭ vystupiŭ ministr zamiežnych spraŭ Rasii Łaŭroŭ.
Sustreča Ukraina — ES — ZŠA — Rasija dała bolš, čym čakałasia.
Dasiahnuty šerah damoŭlenaściaŭ, u pryvatnaści, ab vyzvaleńni zachoplenych budynkaŭ va Ukrainie i amnistyi pratestujučych. Pra heta zajaviŭ ministr zamiežnych spraŭ Rasii na pres-kanfierencyi.
«My pryniali dakumient, Ženieŭskuju zajavu ad 17 krasavika. Ci pahadzilisia ź nieabchodnaściu pryniać pieršapačatkovyja kroki pa deeskałacyi napružanaści, adnaŭleńni biaśpieki dla ŭsich hramadzian Ukrainy», — paviedamiŭ jon.
«Damovilisia, što ŭsie baki pavinny ŭstrymlivacca ad hvałtu, ad luboha zapałochvańnia, ad pravakacyjnych dziejańniaŭ. I my rašuča asudzili i adkinuli lubyja prajavy ekstremizmu, rasizmu, relihijnaj nieciarpimaści, uklučajučy antysiemityzm», — dadaŭ ministr.
«Siarod krokaŭ, jakija my zaklikajem ažyćciavić, nastupnyja: usie niezakonnyja ŭzbrojenyja farmavańni pavinny być razzbrojenyja, usie niezakonna zaniatyja budynki pavinny być viernutyja lehitymnym uładalnikam. Usie akupavanyja vulicy, płoščy i inšyja publičnyja miescy va ŭsich haradach Ukrainy pavinny być vyzvalenyja», — raspavioŭ Łaŭroŭ.
Heta ŭsio aznačała b pieramohu centralnaha ŭrada va Ukrainie, kali było b vykanana. Ale ci budzie vykanana i chto prakantraluje?
«Pavinna być ažyćcioŭlena amnistyja ŭsich pratestoŭcaŭ. Za vyklučeńniem tych, chto ździejśniŭ ciažkija złačynstvy», — adznačyŭ jon.
Pad ciažkija złačynstvy padpadaje i zdrada radzimie, adnak.
«My asabliva vydzielili los «narodnaha hubiernatara Daniecka» Paŭła Hubarava», — padkreśliŭ kiraŭnik MZS RF asobu vidnaha pradstaŭnika rasijskaj piataj kałony va Ukrainie.
«Dla realizacyi ŭsich zachadaŭ u kompleksie my zaklikajem śpiecyjalnuju manitorynhavuju misiju ABSIE, jakaja pracuje va Ukrainie ŭžo, u adpaviednaści ź jaje mandatam, jaki daručaje joj razrulvać roznyja situacyi, zdymać napružanaść pamiž kanfliktujučymi bakami va Ukrainie», — dadaŭ dypłamat.
«My zaklikajem hetuju misiju ihrać pieršuju rolu ŭ tym, kab akazvać spryjańnie samim ŭkraincam — i ŭładam ŭ Kijevie, i miascovym hramadam rehijonaŭ — realizoŭvać zhadanyja vyšej miery pa deeskałacyi situacyi. My budziem padtrymlivać pracu hetaj misii pa naładžvańni dyjałohu pamiž bakami», — paviedamiŭ Łaŭroŭ.
Akramia taho, pavodle jaho słoŭ, udzielniki sustrečy pryniali zaklik ab nieadkładnym pačatku šyrokaha nacyjanalnaha dyjałohu ŭ ramkach kanstytucyjnaha pracesu, jaki pavinien achapić usie rehijony i palityčnyja hrupy.
Łaŭroŭ adznačyŭ, što pa miery realizacyi krokaŭ Rasija budzie abmiarkoŭvać pytańnie ab dapamozie ŭ stabilizacyi ekanomiki Ukrainy.
«Ale samaje hałoŭnaje dla nas — heta pryznańnie ŭdzielnikami (sustrečy) taho niaŭchilnaha fakta, što hety kryzis pavinny ŭrehulavać sami ŭkraincy, u tym, što tyčycca nieadkładnaha spynieńnia kanfliktaŭ, źviazanych z zatrymańniem pratestoŭcaŭ, zajmańniem roznych budynkaŭ i płoščaŭ», — dadaŭ dypłamat.
Pierad sustrečaj Maskva atrymała jasnyja sihnały ad ZŠA i Jeŭrasajuza, što Zachad hatovy navat na balučyja sankcyi ŭ adkaz na ahresiju va Ukrainie. Akramia taho, NATA zajaviła pra pierabazavańnie vajennych karabloŭ u Bałtyjskaje mora i ŭschodniaje Mižziemnamorje. A siońnia ŭnačy ŭkrainskaja armija ŭpieršyniu ŭžyła zbroju i razahnała šturmavikoŭ, jakija sprabavali zaniać čaść Unutranych vojskaŭ u Maryupali. Pry hetym try šturmaviki byli zabity, jašče 63 zatrymany.
Raźviedka ZŠA: Biełaruś stała pieradavym vajskovym płacdarmam Rasii24
Kamientary