Paschalnaje pasłańnie Mitrapalita Minskaha i Słuckaha Paŭła

Paschalnaje pasłańnie
Mitrapalita Minskaha i Słuckaha Paŭła,
Patryjaršaha Ekzarcha ŭsiaje Biełarusi
archipastyram, pastyram, dyjakanam, manacham i miranam
Biełaruskaj Pravasłaŭnaj Carkvy

 Niabiosy dastojna niachaj vjesjalacca, i ziamla niachaj radujecca, iniachaj śviatkuje ŭvieś śviet, bačny i niabačny, bopaŭstaŭ Chrystos — radaść viečnaja.
Trapar 1-j pieśni Paschalnaha kanona

Darahija i ŭźlublenyja ŭ Chryście Uvaskresłym 
Praaśviaščennyja archipastyry, pačesnyja praśvitary i dyjakany,
nabožnyja inaki i inakini, bohalubivaja pastva
Biełaruskaj Pravasłaŭnaj Carkvy,

sardečna vinšuju vas sa śviatam śviat — Paschaj Haspodniaj!

U hety spasicielny dla śvietu, śvietłazarny dzień my, jak i ŭsie papiarednija nam z časoŭ apostalskich pakaleńni chryścijan, znoŭ i znoŭ ź nievymoŭnaj padziakaj Bohu, jakaja vylivajecca z sercaŭ našych, z duchoŭnym likavańniem vitajem adzin adnaho Paschalnym vokličam:

Chrystos uvaskres!

Tolki dva słovy, ale jakaja nievierahodnaja ŭ ich siła! Hetyja dva słovy ŭskałychnuli ŭvieś śviet, razburyli bramu piekła daščentu i stvaryli vialikuju i niepieramožnuju Chryścijanskuju Carkvu, padajučy ŭsim jaje dzieciam žyvuju vieru, duchoŭna-maralnyja Jevanhielskija kaštoŭnaści i błahadatnyja duchoŭnyja siły, zdolnyja vierujučaha ŭ Chrysta čałavieka ŭźnieści na vyšyniu duchoŭnaj daskanałaści.

U asnovu našaj viery pakładziena hetaja śvietłaja i radasnaja viestka — viestka pra Uvaskrasieńnie Bohačałavieka, a razam ź Im — i pra ŭvaskrasieńnie čałaviectva. Bieź viery va Uvaskresłaha Chrysta niama chryścijanstva!

Ź ćviordym pierakanańniem i niepachisnaj vieraj u hety napoŭnieny błahadatnaj siłaj spasicielny dzień my znoŭ i znoŭ radasna ŭsklikajem:

Chrystos uvaskres!

Uvaskresły Chrystos — krajevuholny kamień našaj viery (par. Ef. 2: 20), u Im — pieramoha praŭdy, pieramoha dabradziejnaści, pieramoha žyćcia, pieramoha bieśśmiarotnaści! Pra śviata pieramohi žyćcia nad śmierciu jasna havoryć apostał Pavieł: «Boh … uvaskrasić i nas siłaju Svajoju» (1 Kar. 6: 14), bo ŭsim nam dadziena ŭvaskrasieńnie ź miortvych.

Sercy našy napoŭnieny siońnia radaściu Uvaskrasieńnia Chrystovaha. I kožny moža padzialicca hetaj radaściu pra Uvaskresłaha Hospada našaha Iisusa Chrysta — i ź bližnimi, i z dalnimi: navučycca być z tymi, chto navokał nas, dobrymi i miłasernymi, sumlennymi i dobrazyčlivymi, zdolnymi i hatovymi pajści ź imi na lubyja vyprabavańni; sahreć śviatłom Božaj lubovi sastarełych, adzinokich, chvorych i tych, chto pa niejkich abstavinach pazbaŭleny mahčymaści padzialić Paschalnuju radaść z tymi, chto ŭ chramie. Takija spravy chryścijanskaj lubovi pieramianiajuć i nas, i navakolny śviet.

Žyć pavodle praŭdy i zapaviedziaŭ Božych — pad siłu kožnamu ščyra vierujučamu čałavieku. Źviartajučysia da nas, Usiemahutny Haspodź zaklikaje: «Pryjdzicie da Mianie, usie strudžanyja i abciažaranyja, i Ja supakoju vas. Vaźmicie jarmo Majo nasiabiei navučyciesia ad Mianie, bo Ja łahodny i pakorlivy sercam; i znojdziecie spakoj dušam vašym. Bo jarmo Majo pryjemnaje, i ciažar Moj lohki» (Mf. 11: 28-30). Spasiciel śvietu nie patrabuje ad nas ničoha niepasilnaha. Miłaserny Haspodź, lubiačy Svajo stvareńnie, zaŭsiody z tymi, chto vieruje ŭ Jaho, dajučy im moc, siłu i ŭsio patrebnaje, kab nieści žyćciovy kryž. Uspomnim kaštoŭnyja słovy, jakija Iisus Chrystos ukłaŭ u sercy ŭsich, chto ŭvieravaŭ, chto ŭźlubiŭ Jaho, abiacajučy zaŭsiody być ź imi: «…i vos, Ja z vami va ŭsie dni da skančeńniavieku. Amin» (Mf. 28: 20). Siońnia, tut i ciapier hučać źviernutyja asabista da kožnaha z nas hetyja słovy, u jakich i nadzieja, i suciašeńnie…

Praaśviaščennyja archipastyry, uźlublenyja ajcy, braty i siostry, vinšujučy ŭsich vas z najvialikšym śviatam Śvietłaha Chrystovaha Uvaskrasieńnia, malitoŭna žadaju vam nievyčerpnaj błahadatnaj dapamohi Božaj u dalejšym vašym słužeńni na słavu Śviatoj Pravasłaŭnaj Carkvy, dziela roskvitu krainy našaj — Biełarusi, na karyść i radaść usim našym bližnim i dalnim.

Uvaskresły Chrystos Spasiciel niachaj umacuje nas u viery i chryścijanskaj nabožnaści. Błahadatnaje śviatło hetaj spasicielnaj Paschalnaj nočy niachaj napaŭniaje sercy našy luboŭju ŭ Chryście Uvaskresłym i radaściu jadnańnia ź Im — radaściu čakanaha nami biaskoncaha žyćcia viečnaha:

Chrystos uvaskres!

Sapraŭdy ŭvaskres Chrystos!

+ Pavieł,
Mitrapalit Minski i Słucki,
Patryjaršy Ekzarch usiaje Biełarusi 

Pascha Chrystova
2014 hod
horad Minsk

• 0
• 0
• 0
• 0
• 0
• 0
• 0
• 0