ZŠA paćvierdzili vykarystańnie stełs-bambardziroŭščykaŭ B-2 dla ŭdaraŭ pa Iranie. Jany vykanali biespasadačny pieralot praz pałovu śvietu z bazy ŭ Misury
Centralnaje kamandavańnie Uzbrojenych sił ZŠA (CENTCOM) zajaviła, što ŭnačy amierykanskija stełs-bambardziroŭščyki B-2 Spirit nanieśli ŭdary pa Iranie.
U paviedamleńni CENTCOM u sacsietcy X havorycca, što B-2, uzbrojenyja 900‑kiłahramovymi bombami, atakavali ŭmacavanyja abjekty, źviazanyja z balistyčnymi rakietami Irana. U zajavie taksama padkreślivajecca, što «nichto nie pavinien sumniavacca ŭ rašučaści Amieryki».
Raniej pra vykarystańnie B-2 paviedamlali profilnyja i OSINT-krynicy. U pryvatnaści, brytanski OSINT-akaŭnt DefenceGeek pisaŭ pra načnuju misiju čatyroch B-2 ź pieralotam z avijabazy Uajtmien (štat Misury) i ŭdarami pa celach u Iranie. Jon śćviardžaŭ, što dla padtrymki vyletu mahli zadziejničać nie mienš za 13 samalotaŭ-zapraŭščykaŭ, razhornutych na maršrucie «ad Azorskich astravoŭ da Kipra». Hetyja detali zastajucca nie paćvierdžanymi aficyjna.
Paralelna profilnaje vydańnie The Aviationist paviedamlała, što ZŠA ŭžyli B-2, jakija, pavodle ich źviestak, vykanali daloki vylet i paśla ŭdaraŭ paśpiachova viarnulisia na bazu ŭ ZŠA.
Vykarystańnie B-2 zvyčajna źviazvajuć z zadačami suprać mocna abaronienych abo zahłyblenych abjektaŭ. Adnak, akramia taho, što ahučyŭ CENTCOM (udary pa ŭmacavanych rakietnych abjektach), infarmacyi pra kankretnyja celi i vyniki ŭdaraŭ u aficyjnych paviedamleńniach pakul niašmat.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary