Pastaŭki biełaruskich tavaraŭ u Krym u studzieni—lutym 2014 hoda źnizilisia ŭ 127 razoŭ u paraŭnańni z anałahičnym pieryjadam 2013-ha, śviedčać źviestki aficyjnaj statystyki.
Tavaraabarot Biełarusi z Krymam u studzieni—lutym 2014 hoda skłaŭ 5,1 młn. dołaraŭ i źniziŭsia amal u 30 razoŭ u paraŭnańni sa studzieniem—lutym 2013-ha. Pry hetym biełaruski ekspart u Krym skłaŭ 1,14 młn. dołaraŭ i pamienšyŭsia ŭ paraŭnańni z anałahičnym pieryjadam minułaha hoda ŭ 127 razoŭ (u studzieni—lutym 2013-ha Biełaruś pastaviła ŭ Krym tavaraŭ na sumu 145,4 młn. dołaraŭ).
Impart tavaraŭ z Kryma ŭ Biełaruś u studzieni—lutym 2014 hoda skłaŭ 4,2 młn. dołaraŭ i źniziŭsia ŭ paraŭnańni sa studzieniem—lutym 2013-ha na 6,2%.
Na dumku ekśpiertaŭ, rezkaje skaračeńnie biełaruskaha ekspartu ŭ Krym tłumačycca nizkaj płaciežnaj dyscyplinaj hetaha rehijonu i, jak vynik, vysokimi ryzykami dla viadzieńnia biźniesu, jakija ŭ hetaj suviazi skłalisia.
Kamientary