Čałaviectva pavinna być udziačna narodam, jakija pieramahli ŭ Vialikaj Ajčynnaj vajnie. Ab hetym zajaviŭ Alaksandr Łukašenka siońnia ŭ Maskvie na sustrečy z premjer-ministram Rasii Dźmitryjem Miadźviedzievym.
«My našu Pieramohu nikomu nie addamo, nam čałaviectva pavinna być udziačna za hetu Pieramohu», — skazaŭ Łukašenka.
Biełaruski lidar padkreśliŭ, što biełarusam niama čaho saromiecca pierad tymi pakaleńniami, jakija prynieśli Pieramohu. «U Biełarusi nikoli nie było vahańniaŭ, my zaŭsiody śviatkavali Dzień Pieramohi jak samaje vialikaje śviata», — zajaviŭ Łukašenka.
Jon taksama zaprasiŭ Dźmitryja Miadźviedzieva ŭ čas jaho bližejšaha vizitu ŭ Minsk naviedać novy muziej Vialikaj Ajčynnaj vajny, jaki simvalizuje adnosiny biełaruskaha naroda da pamiaci ab hieraiźmie savieckich narodaŭ.
Alaksandr Łukašenka adznačyŭ, što jaho vizit u Rasiju prachodzić napiaredadni Dnia Pieramohi nie vypadkova. «My pryjechali, kab pavinšavać rasijan z hetym vialikim śviatam», — skazaŭ jon.
U svaju čarhu Dźmitryj Miadźviedzieŭ paprasiŭ pieradać vinšavańni biełaruskim vieteranam ad urada Rasii. «U našych krainach Dzień Pieramohi vielmi šanujemy, jaho adznačajuć usie pakaleńni. Heta tradycyja nie moža być padvierhnuta nijakaj devalvacyi», — skazaŭ premjer-ministr Rasii.
Kamientary