Siarod zachopnikaŭ Danbasa jość hramadzianie Biełarusi.
Jašče adno paćvierdžańnie hetamu znajšli žurnalisty telekanała «Biełsat».
Bajeviki ŭ Danbasie ciapier asabliva nie chavajuć, što siarod ich sapraŭdnych ukraincaŭ nie tak i šmat. Zatoje ŭsio bolš hramadzian Rasiei, kaŭkazcaŭ z Čačni i Asiecii. Jość i biełarusy — takija, jak hamialčanin Anatol Małčanaŭ. Jon pačynaŭ vajavać z Ukrainaj u Krymie, atrymaŭ uznaharody ad akupacyjnych uładaŭ paŭvostrava. Ciapier kaža, što choča miedal «za ŭziaćcie Kijeva».
«Ja za toje, kab my žyli ŭ adnoj krainie. Kab jak u nas, u Biełarusi, było — u budučaj adzinaj słavianskaj siamji. Ja suprać hetych voś paździełaŭ, vajny aliharchaŭ», — kaža Anatol Małčanaŭ.
Raniej mnohija ŚMI paviedamlali pra ŭdzieł bajevikoŭ ź Biełarusi ŭ zachopie haradoŭ Danbasa. U pryvatnaści, pra heta pisała vydańnie Time, žurnalist jakoha — Sajman Šuster — byŭ uziaty ŭ pałon bajavikami ŭ Słaviansku. Jon paviedamlaje, što akramia hramadzian Rasiei, u horadzie prysutničajuć pradstaŭniki inšych krain SND. Žurnalist zhadvaŭ Biełaruś i Kazachstan.
Kamientary