U vioscy Baravoje Lada Buda-Kašaloŭskaha rajona zatrymany i pamieščany ŭ izalatar časovaha ŭtrymańnia 16-hadovy žychar Homiela, jaki skraŭ aŭtamabil i ŭčyniŭ śmiarotny najezd na 54-hadovaha viełasipiedysta.
Jak paviedamiła aficyjny pradstaŭnik USK pa Homielskaj vobłaści Maryja Kryvanohava, nočču 23 maja niepaŭnaletni hamialčanin pryjechaŭ ź siabrami ŭ Buda-Kašalova, kab adśviatkavać viartańnie siabra z armii. Demabilizacyju adznačali ŭ adnym z kafe rajcentra. Zatym kampanija adpraviłasia ŭ viosku Baravoje Lada, kab pradoŭžyć śviatkavańnie.
U vioscy 16-hadovy padletak skraŭ pryparkavany na vulicy aŭtamabil «Opiel-Viektra», kab «pakatacca». Jaho siabar taksama sieŭ u mašynu. Paźniej jon śćviardžaŭ, što adhavorvaŭ siabra rabić heta.
Pa darozie niepaŭnaletni nie spraviŭsia z kiravańniem i źbiŭ viełasipiedysta, jaki ruchaŭsia ŭ sustrečnym napramku. 54-hadovy mužčyna, žychar Buda-Kašalova, ad atrymanych traŭm pamior na miescy.
Aŭtamabil paśla sutyknieńnia ź viełasipiedam vylecieŭ u kiuviet i pierakuliŭsia. Padletki vybralisia ź jaho, nie atrymaŭšy cialesnych paškodžańniaŭ.
Niepaŭnaletnija adpravilisia ŭ Buda-Kašalova na vakzał, kab pajechać u Homiel, ale byli pa haračych śladach zatrymanyja milicyjaj.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary