У вёсцы Баравое Ляда Буда-Кашалёўскага раёна затрыманы і памешчаны ў ізалятар часовага ўтрымання 16-гадовы жыхар Гомеля, які скраў аўтамабіль і ўчыніў смяротны наезд на 54-гадовага веласіпедыста.
Як паведаміла афіцыйны прадстаўнік УСК па Гомельскай вобласці Марыя Крываногава, ноччу 23 мая непаўналетні гамяльчанін прыехаў з сябрамі ў Буда-Кашалёва, каб адсвяткаваць вяртанне сябра з арміі. Дэмабілізацыю адзначалі ў адным з кафэ райцэнтра. Затым кампанія адправілася ў вёску Баравое Ляда, каб прадоўжыць святкаванне.
У вёсцы 16-гадовы падлетак скраў прыпаркаваны на вуліцы аўтамабіль «Опель-Вектра», каб «пакатацца». Яго сябар таксама сеў у машыну. Пазней ён сцвярджаў, што адгаворваў сябра рабіць гэта.
Па дарозе непаўналетні не справіўся з кіраваннем і збіў веласіпедыста, які рухаўся ў сустрэчным напрамку. 54-гадовы мужчына, жыхар Буда-Кашалёва, ад атрыманых траўм памёр на месцы.
Аўтамабіль пасля сутыкнення з веласіпедам вылецеў у кювет і перакуліўся. Падлеткі выбраліся з яго, не атрымаўшы цялесных пашкоджанняў.
Непаўналетнія адправіліся ў Буда-Кашалёва на вакзал, каб паехаць у Гомель, але былі па гарачых слядах затрыманыя міліцыяй.
Цяпер чытаюць
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь1
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары