Jarasłaŭ Hryščenia ŭčora ranicaj viartaŭsia ź Miensku ŭ Baranavičy aŭtaspynam. Chvilin praz dvaccać stajańnia na Bieraściejskaj šašy, chłopiec spyniŭ «Mersedes».
Chvilin praz dvaccać stajańnia na Bieraściejskaj šašy, chłopiec spyniŭ «Mersedes». Kiroŭca mašyny jechaŭ u Niaśviž, ale Hryščenia zhadziŭsia padjechać ź im da Haradziei. Kilametraŭ praz tryccać ad Miensku mašynu źniesła na sustrečnuju pałasu, paśla čaho jana na vialikaj chutkaści vylecieła ŭ kiuviet.
Jarasłaŭ kaža, što samastojna vybraŭsia z aŭtamabila, vyciahnuŭ adtul kiroŭcu i ŭsie rečy, paśla čaho straciŭ prytomnaść i zvaliŭsia tvaram u śnieh. Chłopca advieźli ŭ Dziaržynski špital, dzie daktary kanstatavali dyjahnaz kampresijny pierałom chrybta. Užo ŭčora Jarasłava dadomu zabrali baćki.
Hryščenia kaža, što ŭ jaho častkova paškodžanaja kaardynacyja ruchaŭ — nahami i rukami jon ruchaje volna, a voś paviarnuć śpinu nia moža. U asnoŭnym lažyć, ale ŭ stanie samastojna dajści ad łožku da prybiralni.
Daktary pakul nia mohuć dakładna skazać, kali chłopiec vierniecca da paŭnavartasnaha žyćcia. Zaznačajuć tolki, što reabilitacyja moža zaciahnucca ad tydnia da paŭhodu. Ciapier baćki Hryščeni chočuć, kab syna špitalizavali ŭ Baranavičach.
Jarasłaŭ admaŭlaje, što ŭ hetym zdareńni moža być niejki palityčny kantekst. Kaža, što kiroŭca prosta jašče nie pierajšoŭ na zimovyja šyny.
Nahadajem, što dva miesiacy tamu sud Baranavickaha rajonu pryznaŭ Jarasłava Hryščeniu vinavatym pa artykule 193 KK «Udzieł u niezarehistravanaj arhanizacyi», prysudziŭšy 30 bazavych vielečyń štrafu.
Kamientary