Łuhanski pamiežny atrad znoŭ akružyła vialikaja kolkaść uzbrojenych ludziej, u tym liku rasiejskija tak zvanyja «kazaki».
Jak paviedamlaje Dziaržaŭnaja pamiežnaja słužba, voś-voś moža pačacca novy šturm.
«Vakoł Łuhanskaha pamiežnaha atrada znoŭ sabrałasia vialikaja kolkaść uzbrojenych asob, u tym liku rasiejskija tak zvanyja «kazaki». Jany ŭzbrojenyja ciažkaj zbrojaj — minamiotami, hranatamiotami RPH, bujnakalibiernymi kulamiotami», — paviedamlaje viedamstva.
«Faktyčna z chviliny na chvilinu moža pačacca šturm hetaha padraździaleńnia jak akt pomsty za toje, što pamiežniki nie skłali zbroju i nie zdalisia i praciahvajuć vykonvać svaje abaviazki», — havorycca ŭ paviedamleńni.
Siarhiej Panamaroŭ ŭ Tvitary paviedamlaje, što terarysty-sieparatysty nibyta patrabujuć ad pamiežnikaŭ zdacca da 18 hadzin aŭtorka.
Dziaržaŭnaja pamiežnaja słužba Ukrainy abviarhaje, što terarysty ŭziali Łuhanski pahraničny atrad paśla čarhovaha šturmu.
Taksama ŭ viedamstvie abviarhajuć infarmacyju ab tym, što pamiežniki vyłučali «ultymatum» kiraŭnictvu antyterarystyčnaj apieracyi z nahody pierakidvańnia pamiežnikaŭ ź inšych učastkaŭ na zhadany atrad u vypadku niepradastaŭleńnia padmohi:
«Hetaja infarmacyja taksama nie adpaviadaje rečaisnaści. Nijakich aficyjnych ultymatumaŭ ni kiraŭnictva atrada, ni pa jaho daručeńni kamandavańnie jakoha b tam ni było padraździaleńnia Łuhanskaha atrada nie vyłučała», — paviedamlaje Pamiežnaja słužba.
Miž tym, kiraŭnik Dziaržpamiežsłužby Mikałaj Litvin zajaviŭ, što pamiežniki rychtujucca da novych napadaŭ, a pytańnie naziemnaj padtrymki da hetaha času «ŭ pracesie vyrašeńnia».
Terarysty atakujuć łuhanskich pamiežnikaŭ ŭžo druhija sutki, napiaredadni byli paranienyja jak minimum 7 słužačych.
Ciapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1515
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru15
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary