Prakramloŭskija ekanamisty abjavili pra pačatak bankaŭskaha kryzisu ŭ Rasii
Pra toje, što ŭ Rasii faktyčna pačaŭsia bankaŭski kryzis, paviedamiŭ blizki da ŭładaŭ Centr makraekanamičnaha analizu i karotkaterminovaha prahnazavańnia (CMAKP), spasyłajučysia na svaju sistemu rańniaha papiaredžańnia. Pavodle jaje źviestak, kryzis užo adpaviadaje farmalnym prykmietam, a krychu raniej byŭ zafiksavany i kryzis prablemnych pazyk, piša The Moscow Times.
Analityki adznačajuć, što isnujuć vysokija ryzyki masavaha źniaćcia ŭkładaŭ. Pakul hetaha nie adbyvajecca, bo kryzis maje schavany charaktar, ale pry paharšeńni situacyi prablemy mohuć stać vidavočnymi.
Pad sistemnym bankaŭskim kryzisam razumiejecca situacyja, kali dola prablemnych aktyvaŭ pieravyšaje 10%, układčyki masava zabirajuć hrošy z rachunkaŭ abo dziaržava vymušanaja ratavać značnuju častku bankaŭ praz nacyjanalizacyju ci maštabnuju dakapitalizacyju.
CMAKP śćviardžaje, što ciapierašni kryzis pakul umierany: prablemnymi źjaŭlajucca krychu bolš jak u 10% aktyvaŭ i kredytaŭ. Adnak u asobnych siehmientach situacyja horšaja — naprykład, u kredytach małomu i siaredniamu biznesu prablemnymi źjaŭlajucca kala 19%.
Pavodle źviestak Centrabanka, na kaniec kastryčnika prablemnymi byli bolš za 11% karparatyŭnych kredytaŭ i kala 6% roźničnych. Kab nie dapuścić masavych bankructvaŭ, rehulatar rekamienduje bankam iści nasustrač kampanijam i restrukturyzavać ich pazyki, navat nie pavialičvajučy reziervy. Hetyja pasłableńni byli padoŭžanyja jak minimum na pieršuju pałovu hetaha hoda.
CMAKP tłumačyć, što dziakujučy masavaj restrukturyzacyi daŭhoŭ i daminavańniu dziaržaŭnych bankaŭ kryzis zastajecca schavanym — padobna da situacyi ŭ 2022 hodzie. Akramia taho, častka srodkaŭ Fondu nacyjanalnaha dabrabytu ŭkładajecca ŭ banki ŭ vyhladzie subardynavanych depazitaŭ, što faktyčna źjaŭlajecca ekstrannaj dakapitalizacyjaj najbujniejšych finansavych ustanoŭ.
Centrabank aficyjna nazyvaje jakaść kredytnych partfielaŭ «prymalnaj», ale pryznaje rost ryzyk. Asnoŭnyja prablemy źviazanyja z pazykovaj nahruzkaj biznesu. Zapavoleńnie ekanomiki, vysokija pracentnyja staŭki i niespryjalnaja kanjunktura pryviali da rostu kredytnych ryzyk, asabliva ŭ małym i siarednim biznesie i ŭ ekspartna aryjentavanych halinach.
Kab abmiežavać pahrozy, CB uzmacniaje patrabavańni da bankaŭ pry kredytavańni najbujniejšych zakredytavanych kampanij. Adnak pakul heta nie daje vyniku: zavinavačanaść takich pazyčalnikaŭ praciahvaje raści. Tamu ź viasny rehulatar płanuje jašče bolš pavysić normy reziervavańnia, a pry nieabchodnaści — uzmacnić ich dadatkova.
Jeŭrasajuz abmiarkoŭvaje poŭnuju zabaronu marskich pieravozak rasijskaj nafty
Cana na zołata ŭpieršyniu pieravysiła adznaku $5 tysiač, praciahvajučy histaryčny rost
Hałoŭčanka zajaviŭ pra nieabchodnaść sinchranizacyi palityki Nacbanka z palitykaj rasijskaha Centrabanka
Kiraŭnica rasijskaha Centrabanka zajaviła pra vyčarpańnie apošnich resursaŭ rostu rasijskaj ekanomiki
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary
da taho : "ZŠA prapanavali Indyi zamianić rasijskuju naftu na vieniesuelskuju"
-NN
prapanavali ?) a šo indusy mohuć skazać nie?) cikava, vyhladaje heta usio było zapłanavała D. Trampam. Saška nie śpi ŭ šapku, Indusy za 22 $ urałs biaruć, ty kažy impieryjalistam 10 $ nie bolš ))