Aŭtanomija Hahauzii pahražaje abviaścić svaju niezaležnaść u vypadku, kali Małdova padpiša Pahadnieńnie ab asacyjacyi ź ES. Pra heta zajaviŭ baškan Hahauzii Michaił Farmuzał u intervju tureckim ŚMI. I Farmuzał, i asnoŭnyja hahauzskija palityčnyja siły majuć ciesnyja suviazi z Maskvoj — anałahična jak były krymski premjer Aksionaŭ.
Farmuzał padkreśliŭ, što aŭtanomija abvieścić svaju niezaležnaść, kali Małdova padpiša Pahadnieńnie ab asacyjacyi ź ES. Palityk abhruntavaŭ svaju zajavu tym, što ekspartnyja pastaŭki z rehijonu ažyćciaŭlajucca ŭ asnoŭnym u Rasiju, a ŭ vypadku asacyjacyi ź ES, aŭtanomija budzie pazbaŭlenaja takoj mahčymaści, piša ahienctva Ukrinfarm.
Hahauzaŭ kala 150 tysiač, jany žyvuć kampaktna na poŭdni Małdovy. Heta ciurkamoŭny pravasłaŭny narod.
Małdova maje padpisać pahadnieńnie ab Asacyjacyi ź Jeŭrasajuzam 27 červienia na nadzvyčajnym samicie Jeŭrasajuz — Małdova.
Zakon ab asablivym statusie Hahauzii, pryniaty małdaŭskim parłamientam jašče ŭ 1994 hodzie, nie praduhledžvaje prava aŭtanomii na vychad z Małdovy.
-
Aŭstryja admoviłasia vydać ZŠA ŭkrainskaha aliharcha praź biełaruski dypłamatyčny imunitet
-
Palityk, jaki nie braŭ udziełu ŭ vybarach, šmatrazova sudžany. Što viadoma pra litoŭca z prapahandysckich pieradač BT
-
Karal Naŭrocki nakłaŭ vieta na atrymańnie kredytu dla madernizacyi polskaj armii. Va ŭradzie niezadavolenyja
Ciapier čytajuć
Łukašenka pra vyzvaleńnie palitviaźniaŭ: Chočuć zastacca ŭ Biełarusi — kali łaska6
Kamientary