Prezident Rasii Uładzimir Pucin parazmaŭlaŭ niekalki chvilin z abranym prezidentam Ukrainy Piatrom Parašenkam z udziełam kanclerki Niamieččyny Anhieły Mierkiel, paviedamlaje Reuters.
Pres-słužba prezidenta Francyi Fransua Alanda paviedamiła, što dva prezidenty pacisnuli adzin adnamu ruki i damovilisia ab pačatku detalovych pieramovaŭ ab spynieńni ahniu pamiž uradavymi siłami i prarasiejskimi sieparatystami va Uschodniaj Ukrainie ciaham niekalkich nastupnych dzion.
Jany taksama abmierkavali palityčnyja kroki pa deeskałacyi kryzisu, u tym liku pryznańnie Rasiejaj vybrańnia Parašenki, a taksama ekanamičnyja adnosiny.
«Heta byŭ narmalny, surjozny abmien dumkami miž dvuma lidarami», — paviedamiŭ pradstaŭnik Alanda, dadaŭšy, što sustreča rychtavałasia niekalki dzion, ale fakt padrychtoŭki trymali pad sakretam da apošniaha.
Hutarka dvuch lidaraŭ adbyłasia niezadoŭha da ahulnaha fatahrafavańnia, jakoje adbyłosia pierad aficyjnym śniadankam u Narmandyi, dzie prezidenty niekalkich dziaržaŭ sabralisia na śviatkavańnie ŭ honar 70-hodździa vysadki vojskaŭ sajuźnikaŭ.
Tym nie mienš, na fatahrafii rasijski i ŭkrainski lidar stali z procilehłych bakoŭ. Uładzimir Pucin zaniaŭ miesca ŭ pieršym šerahu źleva, pamiž karalevaj Danii Marhrete II i hiercaham Luksiemburha Anry. U centry pamiž prezidentami ZŠA Barakam Abamam i Francyi Fransua Ałandam ŭstała karaleva Vialikabrytanii Lizavieta II.
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary