Paśla inaŭhuracyi novaabranaha prezidenta Ukrainy Piatra Parašenki 7 červienia ŭ Kijevie Alaksandr Łukašenka adkazaŭ na pytańni žurnalistaŭ adnosna Kryma i situacyi na ŭschodzie Ukrainy.
Łukašenka admoviŭsia pryznavać Krym ukrainskim, pakolki de-fakta ciapier im kiruje Rasija.
«Ale pakolki jurydyčnaha rašeńnia nie było, to raju ŭładzie praciahvać vieści pieramovy», — cytuje biełaruskaha kiraŭnika ŭkrainskaje internet-vydańnie «Viesti».
Na pytańnie, što rabić z «terarystami na Uschodzie» Ukrainy Łukašenka adkazaŭ, što tych, terarystaŭ, jakija źniščajuć, treba źniščać. «Ale spačatku raźbiaryciesia, chto teraryst. A to pazabivajecie svaich», — skazaŭ biełaruski prezident.
Na pytańnie, ci hatovy jon sam stać miratvorcam, Łukašenka adznačyŭ: «Nie, ja nienavidžu miratvorcaŭ i ich pieramoŭšykaŭ». «Nahadaju, što vy razmaŭlajecie ciapier z hałoŭnym dyktataram Jeŭropy», — skazaŭ jon.
Taksama Łukašenka adznačyŭ, što na terytoryi miažy Biełarusi i Ukrainy niama nijakich vojskaŭ, i raźmiaščacca jany nie buduć. «Nam z ukraincami dzialić niama čaho. My braty», — skončyŭ svaju sustreču kiraŭnik biełaruskaj dziaržavy.
Ciapier čytajuć
Andrej Švied, architektar represij, pryznačany staršynioj Viarchoŭnaha suda2
Kamientary