Biełaruś i Kitaj płanujuć stvaryć sumiesny vienčurny fond. Hetaje pytańnie abmiarkoŭvałasia 9 červienia ŭ Minsku na sustrečy staršyni Dziaržaŭnaha kamiteta pa navucy i technałohijach Biełarusi Alaksandra Šumilina i pasła Kitajskaj Narodnaj Respubliki ŭ Biełarusi Cuj Cymina.
Adnoj z mahčymych placovak raźmiaščeńnia fondu moža stać biełaruska-kitajski industryjalny park, jaki budujecca z pryciahnieńniem pryvatnych kampanij, paviedamili ŭ DKNT.
«U Biełarusi štohod raspracoŭvajecca ad troch da piaci inavacyj suśvietnaha ŭzroŭniu. Stvareńnie sumiesnaha vienčurnaha fondu dazvolić finansavać biełaruska-kitajskija vienčurnyja i inavacyjnyja prajekty pa stvareńni vysokatechnałahičnych vytvorčaściaŭ», — ličyć staršynia DKNT.
Jon paviedamiŭ, što biełaruska-kitajskaje navukova-techničnaje supracoŭnictva raźvivajecca vielmi aktyŭna i dynamična. U poŭnaj stupieni realizujucca mižuradavaje pahadnieńnie, miemarandum pamiž Dziaržaŭnym kamitetam pa navucy i technałohijach i Ministerstvam navuki i techniki Kitaja, pahadnieńni z kitajskimi pravincyjami Chenań, Šańdun, Cziliń, Huandun.
U svaju čarhu Cuj Cymin adznačyŭ, što «dziełavoje i ŭzajemavyhadnaje supracoŭnictva ŭ śfiery navuki, technałohij i inavacyjnaj dziejnaści źjaŭlajecca adnym z važnych faktaraŭ u zachavańni i raźvićci siabroŭskich adnosinaŭ pamiž krainami». Pavodle jaho słoŭ, navukovy patencyjał Biełarusi i Kitaja dastatkova vysoki, što dazvalaje sumiesna pracavać i atrymlivać novyja vyniki navukovaj dziejnaści.
Ciapier čytajuć
Chto ź biełarusaŭ trapiŭ na pryjom da prezidenta Polščy ŠMAT FOTA28
Kamientary