Sud nad biełarusam, jakoha Polšča abvinavačvaje ŭ špijanažy, pierakładajecca na biełaruskuju
Zakryty praces abvinavačvańnia ŭ špijanažy hramadzianina Biełarusi Alaksandra Ł. pačaŭsia ŭ paniadziełak u varšaŭskim Akruhovym sudzie. Adkazčyku pahražaje da 10 hadoŭ turmy.
Praces adbyvajecca ŭ zale sa śpiecyjalnaj achovaj. U zale prysutničaje pierakładčyk, praces pierakładajecca z polskaj na biełaruskuju movu. Prakuror začytaŭ abvinavaŭčaje zaklučeńnie, potym byli zasłuchanyja tłumačeńni abvinavačanaha.
Nieviadoma, ci pryznaje jon svaju vinu. Spasyłajučysia na sakretny charaktar spravy, advakat Hanna Mika-Kopieć nie daje nijakaj infarmacyi, prakuror taksama.
Biełarusa abvinavačvajuć pa art. 130 častcy 1 Kryminalnaha kodeksa, jakaja sfarmulavana tak: «Chto biare ŭdzieł u dziejnaści varožaj vyviedki suprać Polščy, padlahaje pakarańniu pazbaŭleńniem voli ad hoda da 10 hadoŭ». Druhoje abvinavačvańnie datyčycca art. 270: «Chto padrablaje dakumient z metaj vykarystańnia jaho jak sapraŭdnaha, albo vykarystoŭvaje taki dakumient jak sapraŭdny, padlahaje pakarańniu štrafam, abmiežavańniem voli abo pazbaŭleńniem voli na termin ad 3 miesiacaŭ da 5 hadoŭ».
U druhoj pałovie dnia stała viadoma, što praces byŭ adkładzieny da 26 červienia. Sud pryznačyŭ niekalki dat słuchańniaŭ — da 29 lipienia.
Kamientary