Fiederalnaja prakuratura Hiermanii ŭ sieradu, 9 červienia, aficyjna paćvierdziła infarmacyju ab zatrymańni jašče adnaho padazravanaha, jaki, jak miarkujecca, pracavaŭ na karyść śpiecsłužbaŭ ZŠA. Paviedamlajecca, što supracoŭniki pravaachoŭnych orhanaŭ FRH pravodziać u Bierlinie pieratrus u žyłych i ofisnych pamiaškańniach vierahodnaha ahienta.
Pa źviestkach haziety Die Welt, havorka idzie pra vajskoŭca bundeśviera, jaki pryciahnuŭ da siabie ŭvahu supracoŭnikaŭ vajennaj kontrvyviedki MAD zanadta častymi kantaktami ź mierkavanymi ahientami amierykanskich śpiecsłužbaŭ.
Infarmacyju pra čarhovy vypadak vierahodnaha špijanažu hramadzianina Hiermanii na karyść ZŠA raspaŭsiudžvała raniej hazieta Süddeutsche Zeitung, a taksama teleradyjokampanii NDR i WDR. Nie nazvanyja imi «krynicy ŭ daśviedčanych kołach» śćviardžajuć, što hety vypadak rasceńvajecca kudy bolš surjozna, čym incydent z zatrymanym u pačatku lipienia supracoŭnikam Fiederalnaj raźviedsłužby BND.
Pa papiarednich dadzienych, hety supracoŭnik BND na dopycie pryznaŭsia ŭ tym, što dva hady tamu dobraachvotna prapanavaŭ svaje pasłuhi Centralnamu raźviedvalnamu kiravańniu ZŠA, jakomu paśla pieradaŭ bolš za 200 dakumientaŭ, za što atrymaŭ sumarna kala 25 tysiač jeŭra. Hety incydent ŭžo admoŭna adbiŭsia na adnosinach pamiž Niamieččynaj i ZŠA.
Ciapier čytajuć
Babaryka: Kali b my pieramahli — vajny va Ukrainie nie było b34
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary