Urad ZŠA vałodaje infarmacyjaj, što «Boinh-777» «Małazijskich avijalinij» byŭ źbity rakietaj, vypuščanaj z terytoryi, kantralavanaj prarasiejskimi sieparatystami.
Pra heta zajaviŭ prezident ZŠA Barak Abama padčas śpiecyjalnaj pres-kanfierencyi ŭ piatnicu.
«Nam dakładna viadoma, što samalot byŭ źbity rakietaj» ziamla-pavietra», vypuščanaj z terytoryi, kantralavanaj sieparatystami», — adznačyŭ Abama.
Prezident ZŠA padkreśliŭ, što nie chacieŭ by śpiašacca z vysnovami adnosna małazijskaha samalota, pakul nie budzie praviedziena adpaviednaje rasśledavańnie z pryciahnieńniem roznych bakoŭ.
U toj ža čas Abama adznačyŭ, što terarysty nie mahli b źbić hety samalot, i raniej — ukrainskija vajennyja samaloty, kali b jany nie mieli ŭzbrajeńnia z Rasii.
Pavodle jaho słoŭ, ciapier nie zastałosia «času dla hulniaŭ» i prezident Rasii Pucin pavinien vyrašyć: jon padtrymlivaje sieparatystaŭ, abo budzie supracoŭničać z ukrainskimi ŭładami dla vyrašeńnia kanfliktu na Ŭschodzie Ukrainy.
Raniej paviedamlałasia, što vyviedka ZŠA pryjšła da vysnovy, što Boeing 777 «Małazijskich avijalinij», chutčej za ŭsio, źbili prarasiejskija sieparatysty.
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary