Урад ЗША валодае інфармацыяй, што «Боінг-777» «Малазійскіх авіяліній» быў збіты ракетай, выпушчанай з тэрыторыі, кантраляванай прарасейскімі сепаратыстамі.
Пра гэта заявіў прэзідэнт ЗША Барак Абама падчас спецыяльнай прэс-канферэнцыі ў пятніцу.
«Нам дакладна вядома, што самалёт быў збіты ракетай» зямля-паветра», выпушчанай з тэрыторыі, кантраляванай сепаратыстамі», — адзначыў Абама.
Прэзідэнт ЗША падкрэсліў, што не хацеў бы спяшацца з высновамі адносна малазійскага самалёта, пакуль не будзе праведзена адпаведнае расследаванне з прыцягненнем розных бакоў.
У той жа час Абама адзначыў, што тэрарысты не маглі б збіць гэты самалёт, і раней — украінскія ваенныя самалёты, калі б яны не мелі ўзбраення з Расіі.
Паводле яго слоў, цяпер не засталося «часу для гульняў» і прэзідэнт Расіі Пуцін павінен вырашыць: ён падтрымлівае сепаратыстаў, або будзе супрацоўнічаць з украінскімі ўладамі для вырашэння канфлікту на Ўсходзе Украіны.
Раней паведамлялася, што выведка ЗША прыйшла да высновы, што Boeing 777 «Малазійскіх авіяліній», хутчэй за ўсё, збілі прарасейскія сепаратысты.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца10
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1313
Каментары