Haściej śviata čakajuć majstar-kłasy, konkursy i zabavy dla dziaciej i darosłych, tancy, a taksama vialiki kirmaš kieramiki.
Pra heta partału Kraj.baj paviedamiła adna z arhanizatarak festu Alesia Cap. Jana patłumačyła, što «Kieramika Kreva» adbudziecca ŭ miežach śviata siaredniaviakovaj kultury «Pad znakam Lalivy».
Pa słovach Alesi Cap, na fest «Kieramika Kreva» zaprošanyja najlepšyja majstry kieramičnaj spravy.
«Ci bačyli vy, jak hlina praz ahoń, padčas apalvańnia, pieraŭtvarajecca ŭ šedeŭr? Paŭdzielničajcie ŭ čaraŭnictvie ahniu, mahčyma, vy staniecie ŭładalnikam tych šedeŭraŭ. Pad kiraŭnictvam majstroŭ možna budzie stvaryć svoj kubak abo sapraŭdny roh dastatku. Na vialikim kirmašy kieramiki možna budzie nabyć vyraby ad narodnych da sučasnych, znajści dla sabie čaroŭnuju śvistulku dy stałovuju talerku», – adznačyła Alesia Cap.
Na śviacie kieramiki budzie pracavać dziciačaja placoŭka, na jakoj zaniatak pa dušy sabie znojduć jak maleńkija mastaki, tak i niepasiedy.
«I smačnaj ježy budzie bahata! – adznačyła Alesia Cap. – Možna budzie pakaštavać chleba, kvasu, raśpisnych piernikaŭ i inšaj smakaty».
Śviatočnuju atmaśfieru stvorać muzyki i etna-fołkavyja hurty.
Bližej da zachadu sonca pačniecca druhaja častka śviata – «Pad znakam Lalivy». Haściej čakajuć rycarskija zabavy, zvon miačej, siaredniaviečnaja muzyka, tancy i jašče šmat cikavostak da poźniaha viečara.
Fest adbudziecca ŭ miastečku Kreva Smarhonskaha rajona 23 žniŭnia z 15.00 da 23.00. Uvachod volny.
Kamientary