Paśla miesiaca vyprabavalnaha terminu pasolstva Italii paviedamlaje ab bieśpierabojnaj pracy novaj pasłuhi — dastaŭki pašpartoŭ ź vizami atrymalnikam na dom, zajaviŭ pieršy sakratar pasolstva Uha Boni.
Pasolstva Italii ŭ Minsku ŭviało novuju pasłuhu dla bolš lohkaj pracedury vydačy viz 1 lipienia 2014 hoda. Dziakujučy hetamu servisu, zajaŭniki mohuć paźbiehnuć paŭtorna pajezdki ŭ pasolstva, atrymaŭšy dakumient na ruki doma.
«My paviedamlajem ab uviadzieńni hetaj pasłuhi praź miesiac vyprabavalnaha terminu, ciaham jakoha my pastajanna adsočvali praces dastaŭki pašpartoŭ ź vizami atrymalnikam na dom i ŭpeŭnilisia ŭ jaho bieśpierabojnaj pracy», — zajaviŭ Uha Boni.
«Siońnia my možam z upeŭnienaściu skazać, što hetaja pasłuha źjaŭlajecca nadziejnaj, zručnaj i chutkaj. Bolš jak 100 hramadzian skarystalisia joju i zastalisia zadavolenyja,
tamu što zmahli značna skaracić čas čakańnia dakumienta: pašpart byŭ dastaŭleny im na praciahu 3-4 dzion z momantu padačy zajavy na vizu», — zaznačyŭ italjanski dypłamat.
Pavodle źviestak pasolstva, za zabieśpiačeńniem jakaści hetaj pasłuhi sočyć upaŭnavažany supracoŭnik, jaki dapamahaje zajaŭnikam zapoŭnić błank pierasyłki, ułasnaručna adpraŭlaje pašpart i kuryruje jaho dastaŭku na adras atrymalnika.
U italjanskim pasolstvie zaznačajuć, što ŭviadzieńnie hetaj pasłuhi «vyklikana žadańniem dapamahčy žycharam rehijonaŭ, siemjam ź dziećmi, pažyłym i pracujučym ludziam».
«Zakazvajučy dastaŭku pašparta na dom, zajaŭnik paźbiahaje biessensoŭnaj traty času na toje, kab pryjechać u Minsk pa dakumient padčas napružanaha pracoŭnaha tydnia. Jon taksama značna skaračaje čas svajho čakańnia ŭ paraŭnańni z tradycyjnym uručeńniem dakumienta: pašpart ź vizaj adpraŭlajecca na adras atrymalnika na nastupny paśla padačy dakumientaŭ dzień», — dabavili ŭ pasolstvie Italii.
Košt pasłuhi składaje 100 tys. biełaruskich rubloŭ i nie zaležyć ad kolkaści pašpartoŭ. Naprykład, siamja z tryma dziećmi apłačvaje toj ža košt pierasyłki, što i adzin čałaviek, rastłumačyli ŭ pasolstvie. Kab skarystacca pasłuhaj, treba źviarnucca ŭ vizavy adździeł pasolstva Italii ŭ pryjomnyja hadziny.
Ciapier čytajuć
Chto taja Alina, ź jakoj Łukašenka tancavaŭ hetym razam na navahodnim bali22
Kamientary