U Maskvie siońnia nočču ŭzarvali palicejskich, jakija katavali ŭkrainskich pałonnych — krynicy
U noč na 24 śniežnia ŭ Maskvie na vulicy Jaleckaj byli zabityja dvoje supracoŭnikaŭ Ministerstva ŭnutranych spraŭ Rasii. Jany brali ŭdzieł u vajnie suprać Ukrainy i, u pryvatnaści, katavali ŭkrainskich vajennapałonnych. Pra heta RBK-Ukraina paviedamili krynicy ŭ Hałoŭnym upraŭleńni raźviedki Ministerstva abarony Ukrainy.
Pavodle słoŭ krynic, kala pieršaj hadziny nočy miascovy žychar uzarvaŭ dvuch pradstaŭnikoŭ siłavoha viedamstva RF.
Nabliziŭšysia da palicejskaha aŭtamabila, jaki stajaŭ niedaloka ad palicejskaha adździaleńnia, mužčyna kinuŭ u akno mašyny vybuchovy pakiet, u vyniku čaho prahrymieŭ vybuch.
Pavodle infarmacyi krynicy ŭ vajennaj raźviedcy, u vyniku vybuchu dvoje rasijskich palicejskich zahinuli na miescy, jašče dvoje byli špitalizavanyja ź ciažkimi traŭmami.
Krynicy ŭ HUR adznačajuć, što hetyja rasijskija palicejskija raniej brali ŭdzieł u bajavych dziejańniach suprać Ukrainy ŭ składzie akupacyjnaj rasijskaj armii.
Kamientary