Maskoŭski haradski sud 4 žniŭnia pryznaŭ zakonnym rašeńnie ab pradaŭžeńni da 14 lipienia terminu chatniaha aryštu byłomu hienieralnamu dyrektaru «Urałkalija» Uładzisłavu Baŭmhiertnieru, jaki abvinavačvajecca ŭ złoŭžyvańni paŭnamoctvami, paviedamlaje RAPSI.
Hetym razam sud praciahnuŭ mieru strymańnia ŭžo da 14 kastryčnika, da hetaha ž času pradoŭžany termin śledstva.
Takim čynam, sud adchiliŭ skarhu advakata Baŭmhiertniera, jaki prasiŭ admianić rašeńnie ab pradaŭžeńni terminu chatniaha aryštu.
Sam Baŭmhiertnier na pasiadžeńnie dastaŭleny nie byŭ, jon prasiŭ razhledzieć skarhu bieź jaho.
Nahadajem, raniej abvinavačvany prasiŭ źmianić jamu mieru strymańnia na nie źviazanuju z pazbaŭleńniem voli, a advakat Baŭmhiertniera hatovy byŭ unieści za jaho załoh u 15 miljonaŭ rubloŭ. Advakat taksama prasiŭ sud pavialičyć praciahłaść štodzionnych prahułak jaho padabaronnamu ź dźviuch da troch hadzin. Usie hetyja prośby sud adchiliŭ.
Hiendyrektar AAT «Urałkalij», staršynia nahladalnaha savieta biełaruska-rasijskaha ZAT «Biełaruskaja kalijnaja kampanija» (BKK) Uładzisłaŭ Baŭmhiertnier byŭ zatrymany ŭ Minsku 26 žniŭnia 2013 hoda.
Jaho aryštu papiaredničaŭ biełaruska-rasijski kalijny kanflikt, jaki pačaŭsia ŭ kancy lipienia minułaha hoda paśla taho, jak «Urałkalij» abviaściŭ ab spynieńni prodažaŭ praz sumiesnaje ź Biełaruśsiu ZAT «Biełaruskaja kalijnaja kampanija». Praz hetaha trejdara ažyćciaŭlali prodažy i «Urałkalij», i dziaržpradpryjemstva «Biełaruśkalij». Pry hetym abodva baki abvinavačvali adzin adnaho ŭ niaŭzhodnienych prodažach u abchod BKK.
Pieršapačatkova Baŭmhiertniera abvinavacili va złoŭžyvańni ŭładaj i słužbovymi paŭnamoctvami, zatym abvinavačvańnie było dapoŭniena kradziažom. U listapadzie biźniesmiena departavali ŭ Rasiju, dzie ŭ dačynieńni da jaho taksama raspačata kryminalnaja sprava. Uvieś hety čas Baŭmhiertnier znachodzicca ŭ Maskvie pad chatnim aryštam.
U śniežni minułaha hoda Dźmitryj Osipaŭ źmianiŭ Baŭmhiertniera na pasadzie hiendyrektara «Urałkalija».
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»28
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary